Iwwer 3.100 Asäz zënter 2018. Dës Zuele ginn aus Dem Minister Léon Gloden senger Äntwert op eng parlamentaresch Fro vun der DP ervir. Hie confirméiert och, datt den Helikopter en neie Site soll kréien, wou e stoe kënnt. Wou dee soll sinn, gëtt awer net preziséiert.
D‘Air Rescue kritt iwwert eng Konventioun mam Inneministère all Joer e Subside vu maximal 1,4 Milliounen Euro. Donieft facturéiert d‘LAR dem CGDIS all Mount d‘Fluchminutten, wärend deenen d‘Helikoptere fir SAMU-Asätz ënnerwee waren. De Staat huet sech och mat 3 Milliounen Euro un den zwee neien Helikoptere bedeelegt.