E weidert physescht Treffen tëscht dem Leonid Slutsky, President vum aussepolitesche Kommitee vum russesche Parlament an dem ADR-Europadeputéierte Fernand Kartheiser wier fir November ausgemach.
De Fernand Kartheiser schreift och, hien hätt proposéiert, eng Konferenz baussent der EU ze organiséieren, méiglecherweis an der Tierkei, fir iwwer déi zukünfteg Relatiounen tëschent Russland an de EU an aner Sujeten ze schwätzen.
Kartheiser: Zënter ëmstriddener Visitt zu Moskau parteilos
De Fernand Kartheiser ass den Ament a kenger Fraktioun am Europaparlament. Hie war am Juni aus der Fraktioun vun den europäesche Konservativen a Reformer ausgeschloss gi wéinst enger ëmstriddener Visitt zu Moskau.
