Dem Tusk seng Biergerkoalitioun an zwou aner Oppositiounsparteie wiere sech schonn eens ginn, datt den Donald Tusk, fréieren EU-Conseil-President, nees Premier kéint ginn, huet et gëscht geheescht. Déi dräi Partei kommen zesummen op eng absolut Majoritéit, wärend déi aktuell riets-konservativ Regierungspartei PiS kéng absolut Majoritéit méi huet.
De President Andrzej Duda huet gëschter éischt Consultatioune mat de Parteie geféiert, hien huet awer fir d‘éischt d‘Vertrieder vun der PiS gesinn.
