Och hënt gouf et am Oste vun der Ukrain Loftalarm. Russesch Drone wiere vum Osten a vum Süden aus an den Ukrainesche Loftraum geflunn.
Och d‘Buedemoffensive wier den Ament méi hefteg. Déi Russesch Truppen hätten nees kënnen ukraineschen Territoire erueweren, dat seet ënnert anerem den Institut fir Krisch-Studien an den USA.
Russland huet bis elo ronn ee Fënneftel vum ukraineschen Territoire, inklusiv d‘Krim besat.
Déi meescht Ugrëff gouf et hënt an der Regioun Donbass, oder ëm Kharkiv a Luhansk.
Den Ukrainesche President Volodymyr Selenskyj huet a sengem Message gëschter betount datt d‘Militärequipementer déi een aus dem Ausland kritt hätt och dozou gehollef hunn, géint Russland ze kämpfen.
