play_arrow
arrow_back_ios
Schwéierpunkt vum Dag
An Israel bleiwen, well ee vun der Famill gebraucht gëtt
headphones
4 min
Lauschteren
play_arrow
Am September sinn de Robi Wolf a seng Fra op Tel Aviv geflunn, fir de Gebuetsdag vun hiren Enkelkanner ze feieren. Do wossten si nach net, a wat fir enger Angscht si lierwe wäerten. Si wollten de Fils besiche goen, deen mat senger Famill zu Tel Aviv lieft. Zanter den Ugrëff ass näischt méi wéi et war.
Zu all Moment fillt ee sech onsécher, erzielt de Robi Wolf, dee kaum nach eraus geet. Wann d’Sirenen uginn, huet een 90 Sekonnen d’Zäit, fir an de Gank vum Gebäi ze flüchten, am beschten wäit fort vun all Fenster. Virun allem wëll hien d’Kanner berouegen, wat alles aanescht wéi einfach ass. Hien probéiert hinnen d’Situatioun z’erklären, mee daagsiwwer gi keng Noriichte gekuckt, fir datt d’Kanner net ze vill Angscht kréien. Esou laang wéi et nach Onroue gëtt, wëll hien do bleiwen a fir seng Enkelkanner do sinn, wärend säi Fils schaffe goe muss.
Politik a Gesellschaft
mic_none
Presentéiert vum
- Sophie Schroeder
Episoden
Aarbechtsqualitéit a Wuelbefannen op der Aarbecht ginn erof
D’Chambre des salariés huet gëschter de Quality-of-work-Index fir d’Joer 2023 presentéiert. Där Etude no gëtt et eng negativ Tendenz bei der Aarbechtsqualitéit an dem Wuelbefannen op der Aarbecht am Grand-Duché.
"Neie Schwonk fir de Wunnengsbau"
De Premier, de Finanz- an de Logementsminister hu Mesurë presentéiert, fir d'Nout um Wunnengsmaart méi kleng ze kréien. Steierlech Moossname sollen de Privatleit an dem Bausecteur zegutt kommen.
Wouhi mam Klärschlamm?
Eng national Klärschlammstrategie soll Léisunge brénge fir déi ronn 10.000 Tonne Klärschlamm, déi am Joer ufalen.
Gëtt et Problemer fir méi kleng Bäckereien am Land?
Nodeems d'lescht Woch zwou al agesiesse Bäckereien zougemaach hunn, steet d'Fro am Raum. Ënnerschiddlech Grënn haten zu deene Fermeturë geféiert.
Datt sanéiert muss ginn, doriwwer ass ee sech eens
Déifferdeng sicht no Léisunge fir zwee Flüchtlingsfoyeren ze sanéieren an d'Leit ze relogéieren. D'Gemeng wëllt eng definitiv Léisung, déi gréng proposéieren d'Maternité fir d'Iwwergangszäit.
Biergerbedeelegung
Wat hunn de Biergerkommitee an de Klimabiergerrot bruecht?
Regierungscommissaire: “Energiespueren ass ëmmer wichteg”
D’Energiekris hätt dozou geféiert, datt souwuel d’Leit wéi och d’Entreprisë fir d’Theema Energie sensibiliséiert gi wieren, erkläert de Regierungscommissaire Simeon Hagspiel.
Trump gewënnt am New Hampshire
Am amerikanesche Staat New Hampshire huet dee fréieren US-President Donald Trump d'Virwale bei de Republikaner gewonnen.
Neierunge vum Offallgesetz
All Verkafssurface, déi méi wéi 1.500 m2 huet, muss déi néideg Infrastrukturen zur Verfügung stellen, fir datt d‘Leit hire recycléierfäegen Dreck kënnen do ofginn.
Wéi wierkt sech d'Heescheverbuet op d'Sans-Abrien aus?
Zanter dem Heescheverbuet hunn d'Leit op der Strooss méi Angscht. E Reportage mam Service Streetwork vun Inter-Actions zu Bouneweeg.
Sozialwalen: Dausende Kandidate vun OGBL an LCGB
Den 12. Mäerz si Sozialwalen: deen Dag ginn d’Personaldelegatiounen an den Entreprisë mat iwwer 15 Beschäftegten nei gewielt.
D’Wanterwieder: aktuell Lag an d’Previsiounen
D’Wanterwieder huet Lëtzebuerg weider am Grëff
Heescheverbuet geet an déi repressiv Phas
D’Police wäert elo mat verstäerkter Presenz a geziilte Kontrollen dat néit Heescheverbued an der Haaptstad ëmsetzen. Dëst stéisst awer op vill Kritik.
Éischt Virwalen an den USA
2024 ass Waljoer a ville Länner, och an den USA. An dëse Méindeg ass déi éischt Virwal bei de Republikaner, dat am amerikanesche Midwest, am Staat Iowa.
Ausbau vum Tramreseau 2024
Mam Tram bis op de Flughafen an an den neie Stadion zu Gaasperech - dat gëtt geschwë méiglech. Dëst Joer ginn dës zwou wichteg Extensioune vum Tramsreseau fäerdeg.
Zivilgesellschaftlech Organisatioune reagéieren op neit Gesetz
D’Zesummeliewe vun all de Mënschen zu Lëtzebuerg soll verbessert ginn. Konkret soll jiddweree méi einfach un Informatioune kommen, respektiv un Aktivitéiten deelhuele kënnen.
Ëmmer méi Leit zu Lëtzebuerg sinn aarm
Lëtzebuerg gëllt als dat räichst Land op der Welt. Dobäi ass Aarmut eng Realitéit fir vill Leit.
Nach ëmmer schlofe Refugiéen ënner dem Pont Adolphe
Déi sougenannt "Dubliner", also Männer, déi eleng reesen a schonn an engem anere Land eng Asyldemande gestallt hunn, ginn net méi automatesch zu Lëtzebuerg opgeholl.
Auswee aus der Logementskris?
Mat enger “nationaler Logementsreunioun” wëllt déi schwaarz-blo Regierung d’Wunnengsbaukris an de Grëff kréien. Wat ass vun där Reunioun ze erwaarden?
"Ech hu Kiew immens vermësst."
D’Yuliia, eng 30 Joer al Fra aus Kiew, huet viru véier Méint decidéiert, Lëtzebuerg an domat d‘Sécherheet ze verloossen an zeréckzegoen.
Dat kéint Iech och interesséieren