DEBUT AM EUROGROUP/ECOFIN Yuriko Backes: Kontinuitéit op deene groussen EU-Dossieren

Beim éischten Optrëtt op der europapolitescher Tribün zu Bréissel géing et virun allem drëm goen, d'Vertrauen vun den anere Finanzministeren ze gewannen, seet déi nei Finanzministesch Yuriko Backes.

Danièle Weber (Bréissel) / cbi

D'Yuriko Backes zesumme mam Christian Lindner
D'Yuriko Backes zesumme mam Christian Lindner. Foto: EU / Mario Salerno

Nei Gesiichter e Méindeg Nomëtteg zu Bréissel op der Reunioun vun de Finanzministeren vum Eurogrupp: Nieft dem däitsche Christian Lindner, der Hollännerin Sigrid Kaag war et och fir d'Yuriko Backes den éischten Optrëtt op der europapolitescher Tribün.

De ganzen Interview mat der Yuriko Backes lauschteren

Op hirem 8. Schaffdag als Lëtzebuerger Finanzministesch huet si dobäi kee komplett Neiland betrueden. D'Yuriko Backes hat jorelaang de Jean-Claude Juncker als Beamtin begleet, wéi hie President vum Eurogrupp war.

Deemools hätt si et sech net kënnen dreeme loossen, eng Kéier selwer als Ministerin un deene Reuniounen deelzehuelen, sou d'Yuriko Backes zu Bréissel am 100,7-Interview.

Am Eurogrupp an am Ecofin, dem Ministerrot vun de Finanzministeren aus de 27 EU-Länner, géif et virun allem drëm goen, d'Kolleege kennenzeléieren an eng Vertrauensrelatioun opzebauen.

"Haut a muer wäert ech och den neien däitsche Finanzminister kenne léieren. Mat där hollännescher Kolleegin hunn ech schonn um Telefon geschwat. Bei mir ass et e bëssen anescht, well ech kommen net, wéi déi zwee, aus enger neier Regierung mat engem neien Koalitiounsaccord. Fir Lëtzebuerg kënne mer dovun ausgoen, datt et elo keng Revolutioun am Positionnement gëtt. De Pierre Gramegna huet eis wärend aacht Joer vertrueden an ech gesinn do schonn eng Kontinuitéit op deene groussen Dossieren."

Taxonomie: Lëtzebuerger Positioun kloer

Zu deenen Dossiere gehéiert och dee vun der ëmstriddener Taxonomie. An deem Klassement proposéiert d'Europäesch Kommissioun bekanntlech, Atomkraaft a Gas als "nohalteg" anzestufen. Lëtzebuerg ass do dogéint. Et wier onglécklech, datt d'Kommissioun déi Propos gemaach huet, sou d'Yuriko Backes.

D'Positioun vun der Regierung wier kloer, dorun hätt sech näischt geännert. D'Regierung wéilt sech och weider fir eng gréng Finanzplaz asetzen. Et misst een elo kucken, wéi d'Finanzplaz Lëtzebuerg mat där Propose, deenen zwou Energiequellen ee grénge Label ze ginn, géif ëmgoen.


Den Europa Aktuell

Lauschteren


D'Europaparlament kritt eng nei Presidentin

Lauschteren


An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.

Méi zum Thema

Xavier Bettel, Yuriko Backes, Corinne Cahen, Pierre Gramegna
Regierung

D'Yuriko Backes iwwerhëlt d'Successioun vum Finanzminister Pierre Gramegna, deen dës Woch iwwerraschend demissionéiert huet. Dat huet d'DP-Parteipresidentin Corinne Cahen haut virun der Press annoncéiert.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen