Chamberwahlen 2018 "Wahlsystem benodeelegt kleng Parteien"
De Jean Colombera (PiD) an de Robert Mehlen (ADR) si sech eens doriwwer, datt de Lëtzebuerger Wahlsystem ongerecht wier, well e méi kleng Parteie géif benodeelegen. Déi fundamental Ongerechtegkeet wier, datt d'Stëmmen aus verschiddene Wahlbezierker net dat selwecht Gewiicht hätten, sou de Robert Mehlen.
"Mir haten am Osten déi leschte Kéier 31.000 Wieler. Den Zentrum hat der 62.000. Dat ass genee dat duebelt. Mir däerfe siwen Deputéierter wielen. D'Leit am Zentrum dierfen der 21 wielen. Dat ass dräi Mol méi." Doraus géif sech kloer erginn, datt déi Stëmm, déi de Wieler am Osten oder Norde géif ofginn, manner wäert ass, wéi d'Stëmm, déi e Bierger am Zentrum ofgëtt. Dat wier géint d'Lëtzebuerger Constitutioun, seet de Robert Mehlen. An der Constitutioun steet "les luxembourgeois sont égaux devant la loi".
Colombera: "ADR huet sech e rietst Profil ginn"
De Jean Colombera wéilt net zeréck an d'ADR. D'Partei hätt um Ufank fir "de klenge Mann" a fir Gerechtegkeet gestanen, dat wier haut net méi de Fall. "Wéi se Profil hu misse gewannen, si Leit erakomm, déi méi no riets gedréckt hunn, wat de Profil vun der ADR dunn total verännert huet, a wou verschidde Leit dunn erausgaange sinn", sou de President vun der Partei fir integral Demokratie, déi mat der Piratepartei an d'Chamberwahle geet.
Dat wier awer nëmmen ee Grond, firwat hien d'Partei verlooss hätt, och tëschemënschlech Problemer wieren dobäi komm.
Mehlen: Méi konservativ, awer net rietsextrem
D'ADR hätt sech effektiv e Profil ginn, dee "méi a Richtung konservativ" geet. Dat wier awer an engem positive Sënn geschitt. Generell géif sech d'Fro stellen, "wat een ënner riets versteet", seet de Robert Mehlen (ADR). Mat der Perceptioun vu riets, wéi se am Ausland géif gesi ginn, hätt dat "wierklech näischt ze dinn".
Et hätt sech, dem Robert Mehlen no, bewisen, "datt an der Lëtzebuerger Populatioun e Besoin ass, fir derfir ze suergen, datt Lëtzebuerg - ech soen elo mol einfach plakativ - Lëtzebuerg bleift".
Mehlen: "Iwwerfriemung"
Lëtzebuerg géif sech duerch eng "Iwwerfriemung" an duerch "Opaffere vun eiser Identitéit, lues a lues opléisen". Dat hätt awer näischt mat enger rietser oder rietsextremer Politik näischt ze doen. "Ech sti jiddefalls voll hanner deem Kurs, dee mir de Moment fueren", sou de Robert Mehlen.
Colombera: "Jiddweree brauch deen Aneren"
Mat deem Constat ass de Jean Colombera net averstanen. "Ech hunn e Migratiounshannergrond. Ech komme vun der Famill aus aus Italien. Ech hu mech hei integréiert vu Klengem un. Fir mech ass dat absolut kee Problem. Also d'Sprooch soll net dee Facteur sinn, fir d'Leit auszegrenzen. Mir sinn all Mënschen. Wat zielt ass de Respekt Ee virun deem Aneren. An ech fäerten net d'Iwwerfriemung. Ech denken integral, dat heescht, jiddwereen ass e Stéck vum grousse Bild, vum Puzzel. An deen ee brauch deen Aneren."
An der Mediathéik:
LauschterenMéi zum Thema
"Remboursement vun Dokteschcotisatioune steet net am Wahlprogramm"
Leit, déi ee Joer laang net bei den Dokter ginn, sollen een Deel vun hire Cotisatiounen zeréckkréien. Déi Iddi vum Jean Colombera steet net am Wahlprogramm vun de Piraten, confirméiert de Jerry Weyer. D'Tréis Gorza hält "absolut" näischt vun där Iddi, et misst ee weider op Solidaritéit setzen.
"Stëmm vun der ADR ass wichteg fir d'Gesellschaft"
Sprooch an d'Zukunft vum Land wiere wichteg Thematike fir Lëtzebuerg, seet de Fernand Kartheiser. Bei dëse Wahlen géifen dës Sujete méi am Zentrum vun der ëffentlecher Opmierksamkeet stoen.
Beetebuerg: CSV an LSAP schléisse Koalitioun mat ADR aus
Eng Koalitioun mat der ADR keim fir si net a Fro, sou d'Spëtzekandidaten vun CSV an LSAP zu Beetebuerg. All déi aner Koalitiounsoptiounen halen de Laurent Zeimet an de Guy Frantzen sech awer op.
D'PID geet net mat an d'Gemengewahlen
D'Partei hätt net genuch Kandidate fonnt, "déi capabel sinn, fir Politik ze maachen", sou den neie PID-President Serge Jochheim. Bei de Chamberwahle wëllt d'Partei fir Integral Demokratie awer untrieden.
Exklusiv
"Keng Informatiounen un d'ADR ginn"
De Gast Gibéryen (ADR) gouf vun engem SREL-Mataarbechter iwwert déi illegal Ecoute vum Geheimdéngscht informéiert. Wien dat war, probéiert d'SREL-Kontrollkommissioun erauszefannen.
Fréieren Agent "eréischt no der Affaire vun 2013" ADR-Member
De fréiere SREL-Agent André Kemmer ass eréischt no der Geheimdéngschtaffär Member vun der Partei ginn, seet den ADR-Deputéierte Gast Gibéryen am 100,7-Interview. An nuancéiert vireg Aussoen.
CSV an ADR: Verständnis fir d'Affekoten
Verschidde Geschäftsaffekote wollten net mat der Enquêtekommissoun vum Europaparlament schwätzen. Datt de Finanzminister sech agemëscht huet, fënnt de Gilles Roth (CSV) problematesch.
Riicht Eraus
"CSV huet ADR scho kontaktéiert"
Virun de Wahlen 2013 ass d'CSV schonn un d'ADR erugetrueden, en vue vun enger eventueller Koalitioun. Den ADR-Deputéierte Fernand Kartheiser schwätzt vun engem héije Vertrieder, nennt awer keen Numm.
