Fraefussballweltmeeschterschaft USA géint Holland: Andréck vun der Plaz

Bei der Fraefussballweltmeeschterschaft a Frankräich gewënnt Schwede mat engem 2:1 géint England déi drëtt Plaz. Haut, Sonndeg um 17 Auer, spillen d'Equippen aus den USA an Holland zu Lyon géinteneen.

Tessy Troes / cz

USA géint Holland: Andréck vun der Plaz
USA géint Holland: Andréck vun der Plaz (Fotoen: Tessy Troes)

D'Amerikanerinne wëllen hiren Titel vun 2015 halen a ginn als grouss Favoritten an d'Finall den Owend. Si hunn zanter der Gruppephas mat Frankräich, Spuenien an England dräi héichgehandelt Equippen erausgehäit. Deementspriechend optimistesch sinn déi agereesten amerikanesch Fans.

"Ech fannen et gutt, datt d'Matcher duerch Frankräich verdeelt waren, dat huet alle Fransousen erméiglecht, sech e bësse concernéiert ze fille vun dësem Tournoi", sou eng Awunnerin vu Lyon. Op der Place Bellevue am Zentrum vun der Stad ass eng Fan-Zon ageriicht, gutt Wieder mat bis zu 37 Grad an d'Caféë mat den Terrassë laanscht d'Saone suergen dofir, datt sech Fussball-Touristen aus der ganzer Welt kenne léieren.

Et gouf awer och Kritik un den Organisateuren. Virun an no de Matcher wier et schwéier ëm de Groupama-Stadion zu Lyon ze zirkuléieren. A punkto Sécherheet wier een awer zefridden, si wier dezent an net erdréckend.

D'Bilanz iwwer d'Weltmeeschterschaft a punkto Spillqualitéit a Mediepresenz fält bei de Spectateuren allgemeng positiv aus. Den Niveau wier méi héich, wéi virun e puer Joer. "Dat weist, datt d'Professionaliséierung an d'Suen, déi an de Fraefussball gestach ginn, en Impakt hunn", sou ee Fussballfan aus England. Do wier d'Halleffinall tëschent England an den USA op der BBC souguer de meescht gekuckte Programm vun 2019. Fir haut gëtt zu Lyon ee volle Stadion erwaart an - egal wéi de Match ausgeet - eng Party vun den Amerikaner an den Hollänner bis déif an d'Nuecht.

Méi zum Thema

Laura Miller
Invitée am Moies-Magazin

E Sonndeg ass d'Finall vun der Fussballweltmeeschterschaft vun de Fraen. D'Fussballspillerin Laura Miller ass am Centre de Formation vum FC Metz a schafft konkret op eng Carrière am Profifussball hin.

Alisa Kovalenko Luxfilmfest
LUXFILMFEST

"Home Games" erzielt d'Geschicht vun engem jonke Meedchen, dem säi Wonsch et ass an d'Fraefussballnationalequipe vun der Ukrain ze kommen. Am 100,7-Interview schwätzt d'Realisatrice iwwer dës Begéinung

Kanner spille Fusball 2
Prisma

Iwwer d'Faszinatioun vum Massesport Fussball gëtt et an alle Sozialwëssenschaften déi ënnerschiddlechst Theorien. Wéi kann ee sech deen enorme Stellewäert vum Fussball an eiser Gesellschaft philosophesch erklären?

Romain Schumacher
Fussball

Méi Qualitéit an de Club-Strukturen a méi Qualitéit an den Infrastrukturen. Dat ass fir de Romain Schumacher, President vum F91 Diddeleng, de Schlëssel fir de Lëtzebuerger Fussball-Championnat méi attraktiv ze maachen.

Denis Scuto Analys
Zäithistoriker

Haut geet d'Fussball-Weltmeeschterschaft a Russland un an e Sonndeg gëtt zu Lëtzebuerg en nationaalt Monument ageweit, dat un d'Affer vun der Shoah erënnert. Wat de Fussball mat der Shoah verbënnt, weist den Denis Scuto.

Programm

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen