ANIL: Etüd iwwer d'Penurie bei den Infirmieren "Ursaache fanne firwat Leit ophalen"

Wéi vill Leit verloossen den Infirmiersberuff a firwat? Dat si Froen, déi d'ANIL an der Onlineetüd "LëtzCare" wëllt beäntwert kréien. Da solle Léisungen ausgeschafft ginn, fir dem Problem entgéingt ze wierken.

Sophie Morang/ cbi

Anne-Marie Hanff
Anne-Marie Hanff - ANIL (Archivfoto)

De ganzen Interview lauschteren


"Mir wëllen erausfannen, wéi et de Leit um Terrain geet. Wann een d'Problemer kennt, kënne Léisunge gesicht ginn, déi der d'Penurie entgéingt wierken", hofft d'Anne-Marie Hanff vun der Infimiersassocatioun ANIL. Engersäits misste méi Leit motivéiert ginn, iwwerhaapt an de Beruff eranzeklammen, et misst een awer och derfir suergen, datt se bleiwen, an datt se sech wärend hirer ganzer Karriär gutt fillen.

"Aktuell hu mir keng Donnéeën, wéi vill Leit wierklech ophalen", seet d'Anne-Marie Hanff. Dat ass d'Zil vun der LëtzCare Etüd, déi mat der Uni Lëtzebuerg gemaach gëtt. Déi anonym Onlineëmfro zum Thema leeft den 21. Abrëll un. Aus dem Ausland wéist een, datt d'Leit ophalen, well et dacks net méiglech ass Famill a Beruff ënner een Hutt ze bréngen - et géife flexibel Modeller gebraucht ginn, ënnersträicht d'ANIL

D'Pandemie huet Opmierksamkeet bruecht

"D'Pandemie huet vill Opmierksamkeet fir de Secteur bruecht", seet d'Anne-Marie Hanff. Si hofft, datt dat Nowuess fir de Beruff begeeschtert. D'Pandemie wier awer och ganz belaaschtend, fir déi Leit um Terrain, well ee vill Leed gesäit, an och mat méi Stierffäll ze doen huet. An der Etüd soll derniewent och analyséiert ginn, firwat d'Leit gären am Beruff schaffen.

D'Resultater vun der Etüd solle mat op de Gesondheetsdësch. "Mir wäerten eis Revendicatiounen erweideren", sou d'Anne-Marie Hanff. D'Zil ass et, dass erëm zwee Drëttel vun de Leit aus dem Secteur vun hei kommen, an net - wéi et aktuell de Fall ass - 2/3 aus dem Ausland musse rekrutéiert ginn.

Méi zum Thema

Anne-Marie Hanff
Gesondheetspolitik

D'ANIL-Presidentin Anne-Marie Hanff setzt sech fir eng Emanzipatioun vum Infirmiersberuff an. Eng besser Ausbildung an eng méi grouss Autonomie fir d'Infirmièrë géifen dem Gesondheetssystem ze gutt kommen.

Programm

Net verpassen

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen