Drogen UNODC: Legaliséierung vu Cannabis kann Drogeproblem verschäerfen

De Cannabis-Konsum féiert zu enger zousätzlecher Belaaschtung vun eise Gesondheetssystemer: den UN-Büro fir Drogen-a Kriminalitéitsbekämpfung warnt am Weltdrogerapport virum ëmmer méi staarke Cannabis an dem méi héije Konsum. Dat kéint zu Suchtproblemer a psycheschen Erkrankunge féieren.

Marlène Clement / cbi

Cannabis-Plantage a Portugal
Eng Cannabis-Plantage a Portugal. Foto: Maurice Molitor

Lauschteren


Beim Cannabis wier virun allem déi méi héich Konzentratioun vum Haaptwierkstoff Tetrahydrocannabinol (THC) problematesch. De Cannabis um Marché géif ëmmer méi staark ginn - reegelméissege Konsum géif zu méi Suchtproblemer an zu psycheschen Erkrankunge féieren.

Ronn 30 Prozent vun den Drogentherapien an der EU wieren op Cannabis-Konsum zeréckzeféieren. An Afrika, esou wéi enger Partie latäinamerikanesche Länner, mécht d'Cannabis Sucht de gréissten Deel vun den Therapien aus.

En Impakt op de Gesondheetssystem

Eng Legaliséierung vu Cannabis géif den Drogeproblem verschäerfen, esou den UNODC. An Nordamerika wier zanter der Legaliséierung méi Cannabis consomméiert ginn an d'Zuel u psychiatresche Stéierungen a Suicidë geklommen.

Och d'Openthalter an de Spideeler hätten zanterhier zougeholl, sou d'Aschätzunge vum UN-Büro fir Drogen-a Kriminalitéitsbekämpfung.

284 Millioune Jugendlecher an Erwuessener consomméieren Drogen

Cannabis ass nach ëmmer déi Drog déi weltwäit am meeschte consomméiert gëtt. Den UNODC schätzt, dass bal 4 Prozent vun der Weltbevëlkerung am Alter vu 15-64 Joer am Joer 2019 op d'mannst eemol Cannabis consomméiert hunn.

Dat entsprécht ongeféier 200 Millioune Mënschen. Och aner, méi staark, Droge maachen dem UNODC Suergen: aus de leschten Zuele geet ervir, datt weltwäit 284 Millioune Jugendlecher an Erwuessener Droge consomméieren.

Méi zum Thema

Eng Cannabisplantatioun a Portugal
Cannabisplantatioun

Cannabis-Ubau ënner staatlecher Kontroll zu Lëtzebuerg? Firwat net, seet d'Gesondheetsministesch bei der Visitt vun enger Produktiounsanlag a Portugal.

Fixerstuff a Portugal
Progressiv Legislatioun

Portugal huet viru 25 Joer ee fortschrëttleche Wee an der Drogepolitik ageschloen, mat impressionnante Resultater. D'Grënn fir dës progressiv Legislatioun leien an der rezenter Geschicht.

Carlos Paulos
Drogepolitik

Der Regierung hir Propos fir véier Cannabis-Planzen doheem dierfen unzebauen, wier e Schrëtt an déi richteg Richtung, seet de Carlos Paulos. Hien ass Responsabel fir d'Initiativ Pipapo, déi Jonker iwwer de Konsum vun Drogen opkläert.

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen