D'Ukrain ass den Ausnamezoustand scho gewinnt, vu datt d'Land de facto schonn zënter 2014 am Krich mat Russland ass. Mee d'Developpementer an de leschte Méint op den Ukrainesche Grenze mat enger staarker russescher Militärpresenz wiere beonrouegend, esou den Nicolas Zharov. Et wéist een einfach net, wat am Kapp vum russesche President géif virgoen, seet hien.
D'Zivilbevëlkerung géif sech op verschidden Zenarie preparéieren, seet den Nicholas Zharov. Et ginn der déi d'Land verloosse wëllen, anerer bereede sech op de de worst case fir, eng militärescher Invasioun. D'Leit wiere generell net prett fir d'Land ze verloossen, mee vill Mënschen hätten och Angscht a géife Course matmaachen, an deene si léieren ze kämpfen an eng Stad ze verteidegen.
D'Ukrainer probéiere realistesch ze bleiwen
Westlech Länner hunn hiert diplomatescht Personal aus Kiew zeréckgezunn. De Geheimdéngscht aus den USA wëll esouguer wëssen, datt et muer um 16. Februar kéint zu enger russescher Invasioun kommen. D'Annonce vun deenen Datumer an d'Widderhuelunge vun de Medië géifen zu den Tensioune bäidroen.