EU-Politik Bréissel: Ukrain a Moldau sollen EU-Bäitrëttskandidate ginn

D'EU-Kommissioun recommandéiert de 27 EU-Memberstaaten, der Ukrain a Moldau de Status vun EU-Bäitrëttskandidat ze ginn. D'Ukrain géif eng europäesch Perspektiv verdéngen, esou d'EU-Kommissiounspresidentin Ursula von der Leyen e Freiden zu Bréissel.

Serge Kesseler / sam

Fändele vun EU an Ukrain
D'Fändele vun der EU a vun der Ukrain. Foto: Bigstock / rospoint

Lauschteren


D'Ukrain hätt vill erreecht, mee wichteg Aarbecht géif ze maache bleiwen, huet d'Ursula von der Leyen däitlech gemaach. Der EU-Kommissioun no wiere bei der Ukrain a Moldau weider Fortschrëtter am Bäitrëttsprozess u konkret Konditioune geknäppt.

Den europäeschen Dram liewe kënnen

Mat Bléck op de russeschen Ugrëffskrich an der Ukrain huet d'EU-Kommissiounspresidentin gesot, d'Ukrainer wiere prett fir déi europäesch Perspektiv ze stierwen. Hir Äntwert dorop ass kloer:

"Mir wëllen, datt d'Ukrainer mat eis den europäeschen Dram kënne liewen."

D'Republik Moldau mat hiren 2,6 Milliounen Awunner soll, der EU-Kommissioun no, och de Status vun engem Bäitrëttskandidat kréien. D'Land wier um gudde Wee fir Reformen a géint Korruptioun.

Weider Diskussiounen nächst Woch

D'EU-Staats- a Regierungscheffe sollen Enn vun der nächster Woch iwwert d'Recommandatioune vun der Kommissioun diskutéieren. Portugal an Holland z.B. sinn der Meenung, datt et ze fréi fir de Kandidatestatus wier.

Den ukrainesche President Wolodymyr Selenskyj sot, hie géif op e positiivt Resultat um Sommet hoffen.

Georgien - dat och EU-Member wëllt ginn - soll der EU-Kommissioun no fir d'éischt eng Rei Konditiounen erfëllen, éier et de Status vun engem EU-Bäitrëttskandidat ka kréien.

Méi zum Thema

Fändele vun EU an Ukrain
EU-Bäitrëtt vun der Ukrain

D'Europäesch Unioun weist Solidaritéit par rapport zur Ukrain. D'Demande fir Member vun der EU ze ginn, gëtt notéiert. Et ass awer éischter eng Laang-Zäit-Perspektiv.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen