Coronavirus Supermarchéen: Op d'mannst fir zwou Woche Stock

D'Supermarchéën hu fir den Ament kee Problem mam Approvisionnement, seet den Direkter vun der Handelskonfederatioun Nicolas Henckes am 100,7-Interview: "Mir hu keng Enkpäss a viraussiichtlech wäerte mer och keng hunn".

Pia Oppel / cz

Nicolas Henckes
Nicolas Henckes

Lauschtert dat ganzt Gespréich mam Nicolas Henckes


Op d'mannst fir zwou Woche wier assuréiert, datt d'Regaler kéinte gefëllt ginn. Duerno misst ee kucken, wéi d'Liwwerchaînen an d'Produktioun sech entwéckelen - mee dofir wier et elo nach ze fréi, esou den Nicolas Henckes. Eenzel Supermarchéen hätten de Verkaf vu verschiddene Produiten, wéi Desinfektiounsmëttel, pro Akaf limitéiert, fir iwwerdriwwen Hamsterakeef ze evitéieren. D'Recommandatioun un d'Leit wier fir normal anzekafen, eventuell awer manner dacks.

Fir d'Liwwere vun Akeef bei vulnerabel Leit Heem verstäerkt unzebidden, géifen nach Gespréicher lafen, ënnert anerem och mam Minister fir de Mëttelstand Lex Delles. "Mir schaffen u Solutiounen", esou den Nicolas Henckes.


Update:
De CACTUS deelt an engem Communiqué mat, datt een zënter dem 12. Mäerz schonn eng verstäerkt Demande verzeechne géif, déi fir verschidden Artikelen a verschiddene Marchéen zu rupture de stock gefouert hätten. Weider heescht et am Communiqué:

"Nous disposons d'un approvisionnement performant avec des circuits courts depuis nos 3 dépôts à Windhof, Capellen et Bertrange qui nous permettront d'adapter notre approvisionnement en conséquence et d'augmenter la fréquence de livraison si nécessaire."

Méi zum Thema

Coronavirus
Coronavirus

D'Schoule solle vum 16. bis den 29. Mäerz zoubleiwen, huet de Xavier Bettel annoncéiert. Zu Lëtzebuerg ginn et 26 confirméiert Fäll vum Coronavirus. Et solle just nach Leit mat Komplikatioune getest ginn.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen