Cannabis Suchtverband Lëtzebuerg: Regierung huet Dossier falsch ugepaakt

Nom Revirement vun der Regierung am Cannabis-Dossier seet de Suchtverband Lëtzebuerg, d'Regierung hätt den Dossier am Ufank falsch ugepaakt. De President vum Daachverband vun de Lëtzebuerger Drogen- und Suchthëllefariichtunge mengt, et sollt e vun enger Regulariséierung schwätzen amplaz vun enger Legaliséierung.

Vesna Andonovic / tt

Cannabis mat dräi Jointen

Lauschteren


Gëscht hate mir jo gemellt, datt d'Regierung hir Pläng aus dem Koalitiounsaccord opginn huet fir e staatlech kontrolléierten Ubau a Verkaf vu Cannabis, an datt awer den Ubau fir privat Zwecker a klenge Quantitéite soll iwwer e Reglement erlaabt ginn.

De René Meneghetti, President vum Suchtverband Lëtzebuerg, ass dobäi kategoresch: d'Legaliséierung wier e komplexe Prozess, deen een net einfach op nationaler Ebene kéint decidéieren, vu datt dat wäit international Repercussiounen hätt. Et wier een zu Lëtzebuerg net op enger Insel, mee et misst een den Dialog siche mat den Nopeschlänner an de Partner hei am Land.

Ëmsou méi begréisst de René Meneghetti, den Echange tëschent dem Ministère an dem Terrain:

"Einfach well mir och op gewësse Saachen opmierksam gemaach hunn, déi esou an enger éischter Verfassung geholl gi waren a wou mir gesot hunn, et muss een e bëssen op Terminologien oppassen."

Vu Reglementatioun amplaz vu Legalisatioun ze schwätze wier och am Kontext vun der Präventioun wichteg, well do hätt ee Jonker, déi géife soen: "Voilà, Monsieur, iwwer wat schwätze mir hei. Et gëtt souwisou legaliséiert, mir kënnen dann alleguerte kiffen."

Et misst een dofir oppassen, wat eng Messagen een erausgëtt. D'Messagen aus der Press kéinte bei der Präventioun kontraproduktiv sinn.

De René Meneghetti bedauert nach, datt d'Politik ugangs hir Hausaufgaben net wierklech gemaach hätt:

"Et war zu deem Zäitpunkt wou Kanada (...) amgaangen oder scho fäerdeg war mat dem Prozess. An dat huet natierlech och Leit interpelléiert fir ze soen: OK, dat ass fortschrëttlech am Sënn vun Drogepolitik. (...) D'Positioun vu Lëtzebuerg a Kanada ass anescht - mir sinn an enger EU-Zone, Kanada an Amerika hunn eng ganz kloer Grenz, dat hu mir alles net méi. Dat muss een alles mat berécksiichtegen an der geographescher Lag an an der politescher Lag wou Lëtzebuerg sech befënnt. An ech mengen déi Envergure, déi hat net esou jidderee mat berécksiichtegt."

Méi zum Thema

Cannabis Exklusiv
Drogepolitik

100,7-Informatiounen no wëll d'Regierung just den Ubau vu Cannabis-Planze fir de private Konsum an a klenge Quantitéiten erméiglechen. De Verkaf wier - anescht wéi geplangt - weiderhin illegal.

Paulette Lenert
LSAP-Spëtzekandidatur

D'Paulette Lenert wéilt sech net ënner Drock setzen, ob si der LSAP 2023 als Spëtzekandidatin zur Verfügung steet. Si wéilt sech dat mat Recul gutt iwwerleeën - wann d'Pandemie bis eriwwer ass.

Cannabis
Drogen a Mënschen

Als éischt europäescht Land wëll Lëtzebuerg Cannabis legaliséieren an dat bis 2023. Esou ssteet et am Koalitiounsprogramm vun der Regierung. Mee ier dat geschitt, sinn nach vill Etappen ze huelen.

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen