Corona-Kris "Si spiere sech elo nach méi eleng"

De Laurent Fackelstein ass Paschtouer zu Bouneweg. Zanter Jore setzt hie sech zesumme mat Benevolle fir Leit op der Strooss an. D'Corona-Kris géif déi Leit nach méi ausschléissen, bedauert hien.

Maxi Pesch / cbi

Ee Kräiz
Foto: Bigstock / bestdesign36

De Bäitrag vum Maxi Pesch lauschteren


De Besoin fir ze schwätze wier den Ament enorm grouss, erkläert de Laurent Fackelstein, deen den Drogenofhängegen zanter e puer Joer hëlelft. Déi Leit géife sech den Ament nach méi ausgeschloss spieren. E Beispill:

"Enges Owes koum ee Jong bei mech schellen. An normalerweis huelen ech se ëmmer an de Gang era well et kal ass. Mee hei hunn ech misste soen "Stop, bleif do stoen". An de Jong war erféiert. Ech hu gespuert, datt dat him wéigedoen huet, datt en net konnt erakommen. Weess de, si hunn hirem Liewen alles verluer, si hu guer näischt méi."

Doduerch, datt si alles verluer hunn, wiere si méi sensibel gi fir dat, wat wesentlech am Liewen ass, esou nach de Laurent Fackelstein.

"Mir hunn eng Damm déi baakt Wäffelcher. An du krut se d'Fro gestallt: Baakt Dir déi Wäffelcher extra fir eis? An du sot si: Jo. An du krut si als Äntwert: Mir kréien dacks just d'Rechter aus de Geschäfter, an dir maacht dat extra fir eis?"

Et feelt hinnen u Suen

Nieft dem nach méi grousse Elengsinn wier den Ament och de Manktem u Suen e Problem. Doduerch, datt momentan keng Leit méi zirkuléieren, géif och d'Heeschen näischt méi bréngen, erkläert de Bouneweger Paschtouer.

Ouni Sue kéinten d'Toxikomanen sech och keng Droge méi leeschten. D'Situatioun wier dramatesch.

"De Problem ass, et si keng Leit méi op der Strooss. Vill vun hinne bezuelen hire Konsum duerch d'Manche. Mee dat geet elo net méi, well keng Leit méi do sinn. Dat heescht vill vun hinne sinn op Entzuch a gi krank. Da geet et hinne souwuel kierperlech wéi séilesch ganz schlecht. A si kënne sech eben näischt kafen."

Normalerweis schaffe 16 bis 20 Benevolle fir d'Por zu Bouneweg. Déi meescht hätten elo awer och decidéiert eng Paus ze maachen.

Méi zum Thema

Coronavirus-Liveticker Live
Coronavirus

Bis den Dënschdeg den Owend Mëtternuecht solle sech all d'Leit aus de Gesondheetsberuffer um Site govjobs.lu aschreiwen. D'Aschreiwung ass obligatoresch. Doduerch soll d'Gestioun vun der Reserve sanitaire verbessert ginn.

Abrigado
Sans-abrië beim Abrigado

Wéi soll een doheem bleiwen, wann ee keen Doheem huet? An d'Drogenhëllefsstruktur Abrigado an der Stad Lëtzebuerg kommen all Dag 180 Clienten. Och hei muss ee sech wéinst der Coronavirus-Pandemie ëmstellen.

Programm

  • Notturno

  • On air

    Notturno

  • Noriichten

  • Aachtchen

  • Noriichten

Net verpassen

  • Krautwëschdag um radio 100,7

    krautwësch ouni Text

    De 15. August ass Léiffrawëschdag, en Dag op deem d'Natur an den Himmel am Mëttelpunkt stinn. De radio 100,7 proposéiert e Feierdagsprogramm.

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen