Deemno wieren 30 vun den 91 Persounen, déi zanter dem 25. Oktober mat oder u Covid-19 gestuerwe sinn, an de Strukture gestuerwen. Ronn zwee Drëttel, also 59 Leit wieren an de Spideeler gestuerwen. 19 dovunner wieren aus den Alters- a Fleegeheemer komm.
D'Altersmoyenne vun den Doudesaffer géif bei ronn 84 Joer leien, heescht et an der Statistik vum Ministère, mee et wieren och zwou Persounen ënner 60 Joer u Covid-19 gestuerwen. An de leschten dräi Woche wiere virop Fraen un der Krankheet gestuerwen, dat mat knapp 53 Prozent.
