Méigleche Réckzuch als Minister Romain Schneider: An der zweeter Rei jonke Politiker hëllefen

De Sozialminister Romain Schneider weess nach net, ob hie bis un d'Enn vun der Legislaturperiod Minister bleift, oder sech virdru schonn aus der Regierung zeréck zitt.

Maurice Molitor (Interview) / Claude Biver (Web)

Romain Schneider
De Romain Schneider wëllt 2023 net méi mat an d'Wale goen

De Romain Schneider wier am gaangen dat mat sech, senger Famill, a senger Partei ze klären, sou den LSAP-Politiker am 100,7-Interview. Grond fir säin annoncéierte Réckzuch wier weder Frust nach Sträit, sou de Romain Schneider.

Datt hien 2023 net nach eemol untriede wéilt, hätt hie souwisou scho viru laanger Zäit gesot, mee hie kéint sech awer virstellen "an enger zweeter oder drëtter Rei" aktiv ze sinn, seet de Romain Schneider.

Fir den LSAP-Politiker ass et wichteg fir jonke Politiker ze hëllefen, "esou wéi ech d'Chance hat, datt ech ee Mentor hat". De Romain Schneider wëllt esou deene méi jonke Politiker hëllefen a seng Experienz weiderginn.

An der Mediathéik:

Invité vum Dag / / Maurice Molitor
Lauschteren

Méi zum Thema

Romain Schneider
Walen

De Landwirtschaftsminister Romain Schneider huet haut um Bord vun enger Pressekonferenz confirméiert, datt hie bei den nächste Walen net méi kandidéiere wäert an och net méi fir eng politesch Funktioun zur Verfügung wäert stoen.

Dan Kersch
Lëtzebuerg

Den Aarbechtsminister schléisst net aus, datt hie scho virun de Chamberwale vun 2023 als Minister ophält. Hie géif den Ament driwwer nodenke wéi hie säi perséinlecht Liewe wéilt gestalten, sou den Dan Kersch.

 

Programm

  • Panorama

  • On air

    Iwwer Mëtteg vun 11 bis 2

  • Noriichten

  • Resonanzen

  • Am Nomëtteg vun 3 bis 6

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen