Staatsvisitt Relatiounen tëschent Lëtzebuerg a Portugal: d'Integratioun verstäerken

Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun, mat ënnert anerem véier Minister:innen ass den Ament zu Lissabon.

Paule Rodesch (Lissabon, Portugal) / cbi

Grand-Duc Henri, Grand-Duchesse Maria Teresa, Marcelo Rebelo de Sousa
De Grand-Duc Henri, d'Grand-Duchesse Maria Teresa an de Marcelo Rebelo de Sousa. Foto: SIP / Sophie Margue

Lauschteren


Bei der Staatsvisitt geet drëms déi enk Relatiounen tëscht béide Länner weider ze verdéiwen, souwuel an de Beräicher vun der Wirtschaft, wéi vun der Integratioun vun de portugisesche Staatsbierger am Grand-Duché.

Déi portugisesch Communautéit zu Lëtzebuerg hätt sech zwar am grousse Ganze gutt integréiert, a verschidde Beräicher wieren awer weider Efforten néideg, mengt d'Familljen- an Integratiounsministesch Corinne Cahen.

Vill portugisesch Kanner hätte beispillsweis Schwieregkeete mat der Zweesproochegkeet an der däitscher Alphabetiséierung an der Schoul.

Portugisesch Matbierger:innen am Alldag abannen

Allgemeng wieren déi portugisesch Staatsbierger:innen awer och méi retizent fir sech aktiv mat an d'alldeeglecht Liewe mat anzebannen.

Stéchwuert Gemengewalen: do lancéiert de Ministère eng Campagne fir Auslänner:innen ze motivéieren, sech op d'Wielerlëschten anzedroen, seet d'Corinne Cahen.

"Mir hätte gär, datt d'Demokratie gelieft gëtt an do brauche mir déi portugisesch Regierung."

Vill Portugis:innen a Lëtzebuerg géifen déi portugisesch Medien an Tëlee consomméieren. D'Corinne Cahen kéint sech virstellen, datt doriwwer en Appell gemaach gëtt, datt d'Leit sech an hire Gemenge fir d'Wale sollen aschreiwen.

Wirtschaftlech Relatiounen

Inclusioun an d'Gerance vum aktuelle Flüchtlingsstroum aus der Ukrain ware weider Sujete bei den Entrevue vun der Ministesch mat de portugisesche Regierungsvertrieder:innen.

Wann de Persounenaustausch tëscht Portugal a Lëtzebuerg intensiv ass, da sinn déi wirtschaftlech Relatiounen et awer nach ze wéineg, fënnt iwwerdeems den Ausseminister Jean Asselborn.

D'Wirtschaftsmissioun, déi parallel zu der Staatsvisitt zu Lissabon am Gaangen ass, sollt déi wirtschaftlech Bezéiungen tëscht béide Länner weider verdéiwen.

Méi zum Thema

Staatsvisitt a Portugal
International Relatiounen

No 12 Joer ass déi groussherzoglech Koppel fir d'éischte Kéier nees an offizieller Missioun a Portugal. Verschidde Minister an eng Kultur- a Wirtschaftsmissioun si bei der Visitt mat derbäi.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen