D'Regierung wëllt Google dëse Freideg e Site proposéiere fir de Bau vum gréissten Datacenter an der Groussregioun. Eenzeg konkret Optioun ass 100,7-Informatiounen no en Terrain vu 25 Hektar am Oste vu Biissen, net wäit ewech vum Formatiounszenter fir Automobilisten. Just ee vun de Proprietairë soll nach net iwwerzeegt sinn, fir seng Terrainen hierzeginn.
Zäitdrock well anere Projet gescheitert ass
Gutt informéierte Sourcen no war de Projet initial op engem anere Site zu Biissen geplangt, bei der Luxlait. Well dee Proprietaire sech géint e Verkaf vu sengen Terrainen decidéiert huet, huet misse kuerzfristeg en anere Site gesicht ginn.
De radio 100,7 hat d'lescht Woch gemellt, datt den US-Konzern Google en Datacenter zu Lëtzebuerg baue wëllt. De Wirtschaftsminister Etienne Schneider (LSAP) huet dono erkläert, et géif eng Optioun zu Biissen ginn a Google wéilt nach dës Woch Kloerheet. Wéini Google eng definitiv Decisioun hëlt, ass nach onkloer.