Lutte géint Diskriminatioun Rassismus: Quote sinn "net dee richtege Wee"
D'Integratiounsministerin hält näischt dovu fir Quoten anzeféiere fir ze garantéieren, datt d'Betriber och Mataarbechter mat schwaarzer Hautfaarf astellen. Quote wieren net dee richtege Wee, esou d'Corinne Cahen. Et misst vu klengem un op Opklärung a Sensibiliséierung gesat ginn.
D'DP-Ministerin encouragéiert d'Betriber sech fräiwëlleg mat enger Charte dozou ze engagéieren, d'Diversitéit ënner hire Mataarbechter ze garantéieren. D'Corinne Cahen wëllt doriwwer eraus verstäerkt op Sensibiliséierung setzen.
"Dee schéinsten Encouragement fir eng Entreprise ass deen, datt mer haut wëssen - an do ass och eng Etüde gemaach ginn - datt wann der an ärem Betrib d'Diversitéit lieft, an dat bewosst lieft, datt dann d'ekonomesch Resultater vum Betrib vill besser si wéi an anere Betriber."
Wann een déi betraffe Leit wéilt "empoweren" an Anti-Diskriministatiounsprogrammer maachen, da sollt een dat der Ministerin no net nëmmen aus enger negativer Approche eraus maachen.
"Et gi scho Programmer, déi ganz laang lafen. Déi ech net direkt erfonnt hunn, an déi och extrem vill Succès hunn, wéi zum Beispill, d'Diversity-Charte an den Entreprisen, an den Associatiounen an an de verschiddenen Administratiounen."
Bei dëse Programmer missten Entreprisë sech awer fräiwëlleg engagéieren.
An der Mediathéik:
LauschterenMéi zum Thema
Polnesche Rechtsstaat a Gefor
Pole verstéisst wéinst verschiddene Gesetzer an dem Ausruffe vun LGBTI-fräien Zone géint fundamental EU-Rechter. Du där Conclusioun kënnt e Rapport vum EU-Parlament. Méi konkret Mesurë gi verlaangt.
Fraerechter: An Däitschland ass d'Kierch "méi wäit" wéi zu Lëtzebuerg
Déi däitsch Kierch hätt zum Beispill zanter Joren e Fërderprogramm fir Fraen op Verantwortungsposten ze bréngen, seet d'Marie-Christine Ries. Déi Lëtzebuerger Kierch wier fir esou e Programm "ze kleng".
"Et feelt u Statistiken"
Fir d'Rechter vun Homosexuellen, Lesben, Transgender an Intersex-Leit zu Lëtzebuerg wier an de leschte Jore vill gemaach ginn, seet Enrica Pianaro. Iwwer Homo- an Transphobie géifen Donnéeë feelen.
Méi Rechter fir Persoune mat Behënnerung
D'UN-Konventioun fir d’Rechter vu Persoune mat Behënnerung muss zu Lëtzebuerg nach ëmgesat ginn. Eng besser Integratioun a manner Diskriminéierung fuerderen an deem Kader d'Behënnerten-Organisatiounen.
De Mënsch a seng Rechter
Dem Marc Fischbach goung et a senge ville Funktiounen ëmmer ëm d'Dignitéit. Mam Jay Schiltz schwätzt hien iwwer seng politesch Carrière. Iwwer Héichten an Déiften. An iwwer d'Erfëllung als Ombudsmann.
