Gagarin-Büst President vum Domaine Thermal Munneref: Géint all Form vu Russen-Bashing

Nodeem am Park zu Munneref d'Büst vum Juri Gagarin wéinst dem Ukrain-Krich zougedeckt gouf, seet de President vum Domaine Thermal, datt ee kee Politikum doraus wéilt maachen. D'Decisioun géif awer net réckgängeg gemaach ginn, esou de Paul Hammelmann. An der Sitzung vum Verwaltungsrot vum Domaine Thermal, gouf haut iwwert d'Entscheedung geschwat, d'Konschtwierk mat Plastik anzepaken.

Serge Kesseler / cz

Juri Gagarin
Foto:Christian Tholl

Hie wier géint all Zort vu "Russen-Bashing", sou de Paul Hammelmann, President vum Domaine Thermal zu Munneref. Hie géif d'Decisioun, fir d'Büst vum Juri Gagarin zouzehénke regrettéieren "mee déi Decisioun ass geholl ginn, op Drock vu verschiddenen Awunner, souwäit ech informéiert sinn, vum Buergermeeschter vu Munneref, deen awer op seng Awunner lauschtert, wat ech och net falsch fannen".


De Paul Hammelmann


Et wier een awer absolutt net géint Russen, sou de Paul Hammelmann an "dee gudden Här Gagarin huet net dat geréngst mam Putin ze dinn".

Aktivisten hunn de Plastik mëttlerweil erëm erofgeholl

Wéinst der Mediatiséierung vum Thema géif een elo fäerten, datt et zu Vandalismus kéim, esou de Paul Hammelmann weider. D'Konschtwierk gehéiert dem Munnerefer Fligereimusée a steet am Park vum Domaine Thermal.

Nodeem d'Büst vum sowjetesche Kosmonaut Juri Gagarin zwou Woche laang zougehaange war, hätten dräi Aktivisten d'Plastiksfolie haut erof geholl, huet d'Lëtzebuerger Wort de Mëtteg online gemellt.

Méi zum Thema

Juri Gagarin
Munneref

Wéinst dem Krich an der Ukrain gouf zu Munneref am Park vum Domaine Thermal d'Büst vum Juri Gagarin mat Plastik zougedeckt. Dat confirméiert de Buergermeeschter Steve Reckel eis op Nofro hinn.

Net verpassen

  • BEAUTIFUL DECAY Festival

    Beautiful Decay Festival.jpg

    Vum 28.-29. Mee ass den BEAUTIFUL DECAY Festival am Gréiweschlass zu Käerch. De radio 100,7 ass e Samschdeg den 28.05. live sur place.

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen