Dem ALIA-Direkter Paul H. Lorenz seng Fra ass op Responsabilitéits-Postë bei Lëtzebuerger Gesellschafte vu United Group: dëse Grupp huet Medien-Aktivitéiten a Süd-Ost-Europa, déi vun der Lëtzebuerger ALIA kontrolléiert ginn.
An de leschte béide Joren hätten et zwou Plaintë bei der ALIA ginn, wéinst Televisiouns-Senderen déi zu dësem Grupp gehéieren. An dëse Fäll wieren d'Enquêtë vun der Cheffin vum Service juridique bei der ALIA gemaach ginn, an net - wéi et am Gesetz vir gesinn ass - vum Direkter selwer, esou den Thierry Hoscheit.
De fréiere Mataarbechter vun RTL Group Paul H. Lorenz, deen zënter knapp zwee Joer ALIA-Direkter ass, war fréier och bei der Finanzbedeelegungsgesellschaft Adria News sàrl. aktiv: eng Gesellschaft, déi och zu United Group gehéiert.
