Spritbesteierung Staffele vum Dieselpräis als Klimamesure?

Den Energie-Minister Claude Turmes rechent fir den Zäitraum 2021 bis 2030 mat engem "liicht positiven Effekt" fir d'Ekonomie duerch déi verschidde Moossnamen aus dem nationalen Energie- a Klimaplang. Déi aktuell Versioun vum Plang gouf de Mëttwoch publizéiert. Bis Enn Mäerz leeft dann eng Phas vun ëffentlecher Consultatioun. Déi definitiv Versioun vum Plang soll am Abrëll bei d'EU-Kommissioun geschéckt ginn. Déi grouss Linne ware schonn am Dezember virgestallt ginn.

Serge Kesseler / cz

LKW Diesel
Foto: Bigstock / Yaalan

De Bäitrag vum Serge Kesseler lauschteren


Eng completéiert Versioun vum nationalen Energie- a Klimaplang gouf den Dënschdeg an der zoustänneger Chamberkommissioun virgestallt. Eng vun de Méiglechkeeten, déi no der Presentatioun thematiséiert gouf, ass déi vum Staffele vum Dieselpräis.

Am Kontext vun der geplangter neier CO2-Steier erënnert den LSAP-Fraktiounschef dorun, datt et d'Camione sinn, déi e ganz groussen Deel vun deem Diesel tanken, deen hei am Land verkaaft gëtt. Op dësem Punkt misst dem Georges Engel no ugesat ginn.

"Dofir mengen ech, datt een déi Pist soll virzéien, éier een un d'Leit geet, wou een deene méi Steieren ophalst. Et misst ee vläicht e Wee kucken, ob een net kënnt ab enger gewësser Literzuel, déi een tankt, einfach méi da ka froen. Mir hunn de gestaffelte Waasserpräis, bon vläicht gëtt et dann och elo eng Kéier de gestaffelten Dieselpräis."

Och DP kéint mat enger Zort staffele liewen

Esou e Staffele kéint dem DP-Deputéierte Max Hahn no eng vun de Piste sinn, déi schonn am Energie- a Klimaplang stéing. Et géif haaptsächlech dorëm goe fir manner Camion-Tanktourismus ze hunn. "An do ass eng vun de Pisten, fir déi mir eis als DP staark gemaach hunn, déi och esou am Plang dran ass, datt wat e méi Literen tankt, wat de Präis gestaffelt dann och méi héich gëtt."

Den Energie-Minister Claude Turmes huet den Dënschdeg - een Dag virun der Publikatioun vum 200-Säiten-Dokument vum Energie- a Klimaplang - vun enger Iddi geschwat, wat e gestaffelten Dieselpräis ugeet. "Et ass eng Iddi, déi dra steet, woubäi natierlech dat elo muss an der Steierreform diskutéiert ginn, an do gëtt et natierlech och eng Rei technesch Froen, déi do musse gekläert ginn", sou de Minister.

Mat der geplangter Steierreform soll 2021 eng CO2-Steier ageféiert ginn, déi ufanks 20 Euro pro Tonn Kuelendioxid soll ausmaachen: dat sinn ëmgerechent ronn fënnef Cent pro Liter Diesel.

Méi zum Thema

Carole Dieschbourg
Klimapolitik

Wéi de Klimaplang ëmgesat gëtt, decidéiert sech zum Deel an den Diskussioune ronderëm d'Steierreform, seet d'Ëmweltministerin. Am Moment ass nach net kloer, ob Camione méi staark vun dëser Steier solle belaascht ginn.

Biergerdialog
Ekologesch a sozial gerecht Transitioun

Ronn 60 Leit hu sech op enger Biergerversammlung zesummefonnt, fir iwwer Klima a Sozial Gerechtegkeet am Kontext vun der Klimakris ze diskutéieren. D'Rahel Könen war fir eis mat dobäi.

Romain Hoffmann
Tankstelle-Bedreiwer

Fir d'Lëtzebuerger Tankstelle wier et schwéier genee ofzeweien, wéi d'Hausse vun den Accise sech op hiert Geschäft auswierkt, seet de Romain Hoffmann. Tankstelle géifen awer mat Abousse rechnen.

Marianne Welter
Camionsentreprisen

D'Existenz vu Lëtzebuerger Camionsentreprisen, wei Arthur Welter, kéint an den nächsten zéng Joer a Fro gestalt ginn, seet d'Marianne Welter, Direktesch bei Arthur Welter an och Presidentin vum Groupement Transport.

Carole Dieschbourg
Mobilitéit, Klima- am Ëmweltschutz

Datt den ëffentlechen Transport gratis gëtt, wier eng sozial Mesure, seet d'Carole Dieschbourg. Fir eng gutt Mobilitéit ze erméigleche missten d'Investitiounen awer weider héich gehale ginn.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen