Enquête Perquisitioune bei der Police
Wéi de Parquet haut matdeelt, goufe bei der Generaldirektioun vun der Police a bei der Regionaldirektioun aus dem Norde Perquisitioune vun der Inspection générale gemaach.
Dat am Kader vun enger Enquête géint den Direkter vun der Regioun Norde bei der Police, de Bob Leesch. Am Raum stéinge Virwërf vu Prise illégale d'intérêt a fraude informatique, heescht et am Schreiwes vum Parquet.
Et gëtt weider betount, datt d'Présomption d'innoncence gëllt, bis en Urteel gesprach ass. Méi konkret Informatioune ginn et bis ewell nach net.