Nom Zeréckzéie vun AZ-Impfstoffdosissen Paulette Lenert: Kee Grond fir beonrouegt ze sinn
De Bäitrag vum Chris Zeien lauschteren
D'Santé géif elo identifizéieren wie scho mam AstraZeneca-Impfstoff geimpft ginn ass, an ob et do eventuell Niewewierkunge ginn hätt, sou d'Gesondheetsministerin Paulette Lenert den Donneschdeg an der Chamber, an hirer Äntwert op eng Question urgente vun der CSV-Fraktiounscheffin Martine Hansen.
Dem Gesondheetsministère wieren aktuell 13 Fäll bekannt bei deenen et Niewewierkunge bei AstraZeneca-Vaccine ginn hätt, dovun zwee méi schwiereg Fäll. An deenen 13 bekannte Fäll wier et awer net zu gréissere Komplikatioune komm.
De Gesondheetsminsistère géif elo op eng Reaktioun vun der EMA waarden an da selwer nach emol kommunizéieren an eventuell weider néideg Schrëtt ënnerhuelen, sou d'Paulette Lenert.
Méi zum Thema
Lëtzebuerg zitt 4.800 Dosisse vun AstraZeneca zeréck
D'Santé zitt 4.800 Impfdosisse vun AstraZeneca virsiichtshallwer aus dem Verkéier. Et handelt sech dobäi ëm eng Precautiounsmesure, nodeems an Dänemark e puer Fäll vun Thrombosen no Impfunge mat AstraZeneca opgedaucht sinn.
Skepsis ronderëm den AstraZeneca-Vaccin
Skepsis ronderëm den AstraZeneca-Vaccin gëtt et och hei am Land. Dat weise rezent Beispiller aus den Alters- a Fleegeheemer wou eng Partie vum Personal refuséiert huet sech mat deem Vaccin impfen ze loossen.
