Fir déi genee Doudes-Ursaach erauszefannen, huet de Parquet eng Autopsie vun der Läich gefrot, déi gëschter gemaach gouf: nach léiche keng Resultater vir, esou d'Justiz am fréie Mëtteg.
De Parquet Lëtzebuerg präziséiert och, datt nach net all d'Elementer vun der Enquête virléichen: fréizäiteg Conclusioune wiere spekulativ, heescht et.
Och d'Santé géif dëse Fall analyséieren, huet den Direkter vun der Santé eis op Nofro hi gesot. D'Fra wier virum Weekend an engem kriteschen Zoustand an d'Klinik komm, esou d'Prezisioun vum Dr. Jean-Claude Schmit.
D'Patientin wier un enger Gehier-Bluddung mat engem Mangel u Bluttplättercher an enger intravalskulärer Gerënnung gestuerwen, esou d'Santé méi spéit an hirem Communiqué.
D'Fra hätt hir éischt AstraZeneca-Dosis den 23. Mäerz kritt, also gutt 14 Deeg virun hirem Dout.
D'Direktioun vun der Santé wier am gaangen d'Analys vun dësem Fall zesumme mat franséischen Experte vun Nanzeg ze maachen.
Donieft hätt déi zoustänneg Direktioun aus der Santé de Fall un déi europäesch Medikamenten-Agence EMA op Amsterdam gemellt.