Gemengen- a Chamberwahlkampf sinn an dësem Superwaljoer schwéier vuneneen ze trennen. Dozou passt, datt déi national Spëtzekandidate vun de véier grousse Parteie déi lescht Wochen an de Gemengen opgetruede sinn. Fir eis Reportage-Serie hu mir de Xavier Bettel, d'Paulette Lenert, d'Sam Tanson an de Luc Friden jeeweils um Wee op ee Wahlkampfevent begleet. Fir mat hinnen iwwer hir eege kommunalpolitesch Erfahrunge ze schwätzen, an iwwer d'Enjeuxe vun de Gemengen- a Chamberwahlen.
Eng 100 Leit sinn de 15. Mee zu Diddeleng an d'Veräinshaus komm fir een Austausch mam Xavier Bettel, dee während dem Gemengewalkampf en Tour duerch déi véier Wahlbezierker vum Land gemaach huet.
D'Paulette Lenert trëtt de 16. Mee zu Déifferdeng beim Optakt vum LSAP-Gemengewahlkampf op. Ee Wahlkampf aus deem si sech eigentlech wëll eraus halen.
D'Sam Tanson ass de 5. Juni op Gaasperech komm fir déi Stater gréng an hire Buergermeeschterkandidat François Benoy ze ënnerstëtzen.
Mam Luc Frieden geet et vum Glacis op d'Belairer Schéiss, wou déi Stater CSV de 7. Juni hire Buergermeeschterkandidat Serge Wilmes feiert.