Corona-Pandemie Net all positive Fall ka retracéiert ginn

D'Santé wier "e bëssen iwwerrascht" iwwer d'Rapiditéit, mat där d'Corona-Infektiounen nees geklomme sinn, esou de Jean-Claude Schmit, Direkter vun der Santé. Et kéint ee pro Dag d'Kontakter vun enge 60 Leit, déi positiv getest goufen, retracéieren: dat wier vill Aarbecht, well d'Leit wéinst dem Deconfinement nees vill méi Kontakter hätten.

Rick Mertens (Interview) / Jean-Claude Franck (Web) / cbi

Jean-Claude Schmit
De Jean-Claude Schmit ass Direkter vun der Santé

Zu den Infektiouns-Clustere seet de Jean-Claude Schmit, et géifen och "eng ganz Rei" diffus Fäll ginn, bei deenen een net méi kéint retracéieren, wou si sech infizéiert hunn. D'Hallschent vun de 44 positive Fäll vu virgëschter hätte sech op enger Party infizéiert. Et géif do e "Grupp vu Frënn" ginn, déi vu Party zu Party zéien.

Donieft hätt et Infektiounen an engem Betrib ginn, an an enger gréisserer Famill.

Jean-Claude Schmit: "Hygiènesmesurë rappelléieren"

"D'Recommandatioune fir virsiichteg ze sinn, bestinn nach ëmmer", esou den Direkter vun der Santé. Et misst een de Leit dat elo rappelléieren: "An da gesäit een, wéi et geet".

Wann nei Obligatiounen néideg wieren, missten d'Regierung an d'Parlament dat decidéieren.

Réckendeckung vun der Santé fir den Educatiounsministère

Bei de Schüler wier de Risiko kleng fir sech unzestiechen a fir de Virus ze verbreeden, esou de Jean-Claude Schmit. Do géifen et mëttlerweil gutt Etüde ginn. Et géife wéineg Beweiser ginn, datt et Transmissiounen an de Schoule ginn. Déi positiv Fäll an de Schoule wiere vu baussen an d'Schoule komm, esou den Direkter vun der Santé.

Wat d'Masken an de Schoulen ugeet, géif et keng Obligatioun ginn eng unzedoen. Mee et kéint een de Schüler recommandéieren, Masken unzedoen, wann d'Distanz vun zwee Meter net kann agehale ginn. Déi generell Recommandatioun géif nach ëmmer gëllen.

Large Scale Testing: Net op ee Chiffer "fixéieren"

Iwwer de Large Scale Testing seet de Direkter vun der Santé, d'Leit wiere wéinst dem Uklamme vun den Infektioune lo vläicht méi motivéiert fir sech testen ze loossen. D'Campagne leeft den aktuelle Pläng no Enn Juli aus.

Och duerno bräicht ee vill Tester, esou de Jean-Claude Schmit. Hie wëllt sech awer net op de Chiffer vun 100.000 Tester d'Woch "fixéieren", esou wéi dat am Ufank nach annoncéiert gi war. D'Capacitéite wieren do, vläicht misst een déi elo eropfueren.

An der Mediathéik:

Invité vum Dag / / Rick Mertens
Lauschteren

Méi zum Thema

COVID-19 Test
Corona-Pandemie

44 Leit goufen hei am Land bannent engem Dag positiv op de Coronavirus getest. Dat ass déi stäerksten deeglech Hausse zanter dem 21. Abrëll. Bannent de leschte 24 Stonnen goufen iwwer 4.217 Tester gemaach.

Ulf Nehrbass
Corona-Pandemie

Et wier méiglech, datt Lëtzebuerg um Ufank vun enger zweeter Well steet, seet den Ulf Nehrbass. Dofir wier et wichteg, datt d'Massentester gemaach ginn, fir esou d'Infektiounsketten ze ënnerbriechen.

Claude Muller
Corona-Kris

De Virolog Claude Muller fënnt et wichteg ëffentlech ze soen, sollt eng Party de Grond fir eng héich Zuel un neien Infektioune sinn. Dat géif nämlech weisen, datt esou Partyen net solle stattfannen.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen