D'LSAP huet bei dëse Walen ee Sëtz bäigewonnen, béid Parteien hunn domat fënnef Mandater. Éischtgewielten an der Gemeng ass den LSAP-Kandidat Bob Steichen, deen domat neie Buergermeeschter gëtt.
Den aktuelle Gemengepapp Jean-Paul Schaaf vun der CSV gëtt éischte Schäffen. Hie war zanter 2003 un der Spëtzt vun der Gemeng Ettelbréck. D'CSV hätt "dräi schwéier Gewiichter" fir dës Wale verluer gehat, esou de Jean-Paul Schaaf. Grad bei lokale Wale wier et wichteg en Numm ze hunn, fir Stëmme sichen ze goen. Hie gesäit et also positiv, datt d'CSV mat enger jonker Ekipp d'Sëtzzuel an der Gemeng Ettelbréck konnt halen.
