Arméi Neiausriichtung vun der Arméi
An Zukunft géif bei der Arméi méi an technesch Beräicher investéiert ginn. Dobäi misst sech och d'Fro gestallt ginn, ob een déi néideg Ressourcen dofir huet, seet de President vun der Arméigewerkschaft SPAL. Et wier schwéier, fir um Lëtzebuerger Marché dat néidegt Personal ze fannen.
Et gëtt e Wiessel an der Ausriichtung vun der Lëtzebuerger Arméi, seet de President vun der Arméigewerkschaft SPAL. De Verdeedegungsminister wëll d'Arméi méi breet opstellen. Dem Christian Schléck no wier et wichteg, datt d'Arméi net déi Beräicher opgëtt, wou se an de leschte Jore vill Kompetenz entwéckelt huet. Als Beispill nennt hien d'Reconnaissance an d'Iwwerwaachung, wou Zaldote sech bei den Asätz am Kosovo an am Afghanistan spezialiséiert hunn.
Et wier wichteg, datt d'Arméi deen Know-How bäibehält, seet de SPAL-President. Mat der neier Missioun a Litauen kéimen nei Beräicher dobäi. Ënner anerem Transport, Waasseropbereedung an de Satellitteberäich. Fir eng kleng Arméi wier et schwiereg, déi Ressourcen ze fannen.
Bis d'Joer 2020 sollen 0,6 Prozent vum PIB a Militärausgabe fléissen. "Dat bréngt scho genuch Aufgaben", seet de Christian Schleck. Den NATO-Generalsekretär fuerdert eng Participatioun vun zwee Prozent bis d'Joer 2024. Dat wieren 800 Milliounen Euro d'Joer méi an illusoresch, hat de Verdeedegungsminister Etienne Schneider gesot.
An der Mediathéik:
LauschterenMéi zum Thema
Wéi gesäit d'Zukunft vun der EU-Sécherheetspolitik aus?
Déi nei militäresch EU-Kommandozentral soll nach dëse Mount ufänke mat schaffen. Ass dat e Schratt an d'Richtung vun enger eegestänneger EU-Sécherheetspolitik a méi Onofhängegkeet vun den USA?
Schneider: Zwee Prozent fir Defense illusoresch
Den neien US-Defense-Minister James Mattis hat gefuerdert, datt d’NATO-Partner hir Militär-Budgete missten an d'Luucht setzen. D'Fuerderung vun den USA wier illusoresch, seet den Etienne Schneider.
Kritik u geplangte Reforme vun der Force Publique
Vill Kritik beim Conseil vun der Police- an Arméigewerkschaft. Der Arméi feelt et virun allem u Personal a Material. D'Police veruerteelt een ze groussen Afloss vun der Justiz bei der Reform.
Nei Carrièren an der Arméi
D'Lëtzebuerger Arméi huet gréisser Problemer fir Leit ze rekrutéieren. Dofir plangt de Minister fir bannescht Sécherheet nei Carrièren. Eischt Gespréicher mat der Arméis-Gewerkschaft gouf et schonn.
