Mobilitéit Méi Passagéier fir den ëffentlechen Transport

D'Stater Buergermeeschtesch geet dovun aus, datt d'Zuel vun de Passagéier zouhëlt, wann den ëffentlechen Transport gratis gëtt. D'Gratuitéit géif d'Leit "net kaal loossen", seet d'Lydie Polfer.

Rick Mertens / cbi

Lydie Polfer
D'Lydie Polfer wëllt hiert Mandat an der Chamber ganz ausüben, huet si am 100,7-Interview annoncéiert.

Dat hätten Erfahrungen an der Stad gewisen: Zum Beispill géifen däitlech méi Gemengenaarbechter op den ëffentlechen Transport zeréckgräifen, zanter si gratis Abonnementer offréiert kréien.

"Als Stad Lëtzebuerg hu mir eise Mataarbechter bis d'lescht Joer den M-Pass fir 150 Euro d'Joer zur Verfügung gestallt. Dee Moment haten eng 500 Leit dovu Gebrauch gemaach. De neie Schäfferot huet, op meng Propositioun hin, alle Mataarbechter, dei et wëllen, den M-Pass gratis zur Verfügung gestallt. Wei vill Leit benotzen den M-Pass elo? Iwwer 3.000: 3.200."

Den Transportminister François Bausch hat virun zwou Woche gesot, hie géif net dovun ausgoen, datt de gratis Transport fir méi Passagéier suergt.

Finanziell Entschiedegung wéinst Chantier

Enn 2020 soll den Tram vun de Foireshalen um Kierchbierg bis op d'Gare fueren. Fir d'Streck auszebaue sinn e sëlleche Chantier an der Stad néideg. Et ass nach net kloer, ob Geschäftsleit, déi vum Tramschantier betraff sinn, finanziell entschiedegt ginn. D'Lydie Polfer seet dat misst an de nächste Méint vun engem Aarbechtsgrupp gepréift ginn.

"Am Projet de Loi vum Tram ass virgesinn, datt esou ee Comité kéint agesat gi fir ze kucken, wann ee besonnesch vill géif verléieren. Den ass och agesat ginn, an du sinn eng Rei Demande komm."

Mat wéi vill Remboursementer d'Geschäfter rechne kéinte géif vum Chiffre d'affaires ofhänken. Genee Kritäre géifen et nach keng ginn.

Weider wier et och eng Definitiounsfro, wou de Chantier ufänkt a wou en ophält. "Huelt de Chantier an der rue Aldringen. Dat ass en décke Chantier, den huet awer elo näischt direkt mam Tram ze dinn. Mee och déi Geschäfter, dei do sinn, haten natierlech elo e puer schwéier Joren. Duerno gëtt et dann ëmsou méi schéin.", esou d'Lydie Polfer.

An der Mediathéik:

Invité vum Dag / / Rick Mertens
Lauschteren

Méi zum Thema

2018-11-23-Koalitiounsgespréicher
Koalitiounsverhandlungen

DP, LSAP an déi gréng hunn e virleefege Kompromëss fonnt fir den ëffentlechen Transport gratis ze maachen. Als Géigepartie soll déi steierlech Kilometerpauschal reduzéiert ginn. D'Zuele sollen awer nach emol duerchrechent ginn.

Face-a-Face-Marc-Georgen-a-Jean-Marie-Jacoby
Chamberwahlen 2018

KPL a Piratepartei sinn allebéid fir d'Gratuitéit vum ëffentlechen Transport, d'Pirate schwätze léiwer vun "ticket-los" wéi vu gratis, well de Service net gratis ass, mee vun der Allgemengheet bezuelt gëtt.

Programm

  • Virum Dag

  • On air

    Moies-Magazin

  • Den 100,7-Klassesall

  • Iwwer Mëtteg

  • Resonanzen

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen