Causa Dieschbourg Me François Prum ass dofir, datt Parquet Dossier iwwerhëlt

Den Affekot vun der fréierer Ëmweltministesch Carole Dieschbourg betount, senger Mandantin géifen déi selwecht Rechter zoustoen, déi all Bierger an engem moderne Rechtsstaat zegutt huet. De Maître François Prüm äussert sech am 100,7-Interview eng éischte Kéier ëffentlech iwwer d'Affär ronderëm d'Carole Dieschbourg.

Rick Mertens / cbi

François Prüm
De Me François Prum ass den Affekot vun der fréierer Ëmweltministesch Carole Dieschbourg. Foto: Archiv

De Me François Prum weist sech skeptesch, datt der Carole Dieschbourg hir Rechter respektéiert ginn, wann d'Carole Dieschbourg vun den Deputéiert an der Chamber ugeklot gëtt.

De ganzen Interview lauschteren

Hie seet aus der Siicht vun der Defense géif et him "Angscht" maachen, datt d'Chamber seng Mandantin kéint ukloen, an domat d'Roll vum Parquet iwwerhuelen.

D'Membere vum Parquet wieren "héichspezialiséiert, am Droit, dee se applizéieren", esou de François Prum. D'Deputéiert an der Chamber wieren dat awer net.

Keng aktuell, mee fréier Ministesch

Den Affekot vun der fréierer Ëmweltministesch géif et dofir begréissen, wann de Parquet den Dossier nees géif iwwerhuelen. Hien ass der Meenung, d'Chamber hätt d'Méiglechkeet dat esou ze decidéieren, an dat kéint keen hir falsch maachen.

D'Decisioun, wéi et am Dossier ronderëm d'Carole Dieschbourg virugeet, läit den Ament bei der Chamber. D'Verfassung gesäit nämlech vir, datt just d'Deputéiert an der Chamber Regierungsmembere kënnen ukloen.

De Maître Prum ass allerdéngs der Meenung, d'Deputéiert kéinten déi Responsabilitéit an dësem Fall duerchaus un de Parquet oftrieden, well net net ëm eng aktuell, mee ëm eng fréier Ministesch geet.

Carole Dieschbourg wousst viru Chamber Bescheed: "Kee Prozedurfeeler"

Dem François Prum seng éischt ëffentlech Aussoen iwwer d'Affär kommen een Dag, nodeems sech erausgestallt huet, datt d'Carole Dieschbourg scho virun den zoustännegen Deputéierten an der Chamber driwwer Bescheed wosst, datt deemnächst géif decidéiert ginn, wéi et an dësem Dossier viru geet.

De Maître Prum gesäit dora kee Prozedurfeeler, deen der Madamm Dieschbourg e Virdeel verschaaft hätt.

Hien ënnersträicht och, seng Defense wier zwar net drop aus fir op Prozedurfeeler "ze laueren", déi dozou féiere kéinten, datt den Dossier klasséiert gëtt. An awer géif een drop pochen, datt alles korrekt ofleeft:

"Mir wäerten definitiv all Prozedurfeeler analyséieren, a wann et der vun der Natur sinn, datt eis Rechter maltraitéiert gi sinn. Dann ass d'Saach ganz kloer, datt et eventuell e Fall ass fir méi wäit. An domat mengen ech natierlech d'Cour des Droits de l'Homme. Mir mussen natierlech op déi Saachen do schaarf sinn."

Zanter iwwer zwou Woche gëtt driwwer diskutéiert, ob d'Chamber oder de Parquet dofir responsabel sinn e fréiere Regierungsmember ze poursuivéieren. Eng kloer Äntwert gëtt et weiderhin net.

Méi zum Thema

Traversini Gaardenhäisschen
Affär Dieschbourg/Traversini

An der Affär ronderëm d'Carole Dieschbourg stelle sech nei Froen. Déi fréier Ëmweltministesch wousst virun den zoustännegen Deputéiert vum Chamberbüro Bescheed, datt de Parquet seng Vir-Enquête ofgeschloss hätt.

Josée Lorsché.jpg
Affär Dieschbourg/Traversini

Déi Gréng kënne sech virstellen nach weider Experten unzehéieren, éier si sech festleeën, ob d'Chamber dofir zoustänneg ass ze decidéieren, wéi et mat der Enquête géint déi fréier Ëmweltministesch Carole Dieschbourg viru geet, sou d'Josée Lorsché.

Chamber
Affär Dieschbourg

Wien ass an der Affär Dieschbourg zoustänneg: Chamber oder Parquet? D'Chamber soll sech dozou mam Luc Heuschling austauschen. Et géif net drëms goen eppes ënner den Teppech ze kieren, seet d'Josée Lorsché.

Carole Dieschbourg bei hirer Demissioun
Récktrëtt

D'Carole Dieschbourg trëtt als Ëmweltministerin zeréck. Dat huet si de Freideg, kuerz viru Mëtteg virun der Press annoncéiert. Dat an der Suite vun der Affär Traversini/Dieschbourg, och nach Gaardenhaisschen-Affär genannt.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

  • Panorama

  • On air

    Iwwer Mëtteg vun 11 bis 2

  • Noriichten

  • Resonanzen

  • Am Nomëtteg vun 3 bis 6

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen