Mënscherechter Mannerjäreg Flüchtlingen: CCDH-Kritik u Regierungs-Gremium

Déi consultativ Mënscherechtskommissioun huet e Problem mat der Zesummesetzung vun engem Gremium (D'Commission consultative d'évaluation de l'intérêt supérieur des mineurs non accompagnés), dee beurteele soll, ob onbegleete mannerjäreg Flüchtlingen, déi de Statut vum Demandeur de protection internationale awer net kruten, dierfen zu Lëtzebuerg bleiwen, oder heem geschéckt gi sollen. Déi consultativ Mënscherechtskommissioun ass en Organ, dat d'Regierung a Mënscherechts-relevante Froe beréit.

Maurice Molitor (Interview) / Chris Zeien (Web)

Anamajira Tunjic

An hirem Avis zum Reglement grand-ducal iwwer dee Gremium kritiséiert d'CCDH, datt d'Zivilgesellschaft ausgeschloss bleift, an datt just Vertrieder vu staatlechen Instanzen dora solle vertruede sinn. Dorënner e Representant vum Ausseministère, wat besonnesch onglécklech wier, wéi d'Anamarija Tunjic, Juristin bei der Mënscherechtskommissioun, erkläert.

"Mir gesinn dat schonn als problematesch. Well mir schwätzen hei vun enger Kommissioun, där hir Aufgab et ass, de Ministère ze beroden [well dat ass d'Administratioun, déi d'Décision de retour hëlt]. Do muss ee sech da scho Froe stellen, wann e Representant vun deem selwechte Ministère net nëmmen an där Kommissioun sëtzt, mee se och presidéiert an am Fall vun enger Stëmmegläichheet dann och d'Voix prépondérante huet."

Den Ausseministère géif sech gewëssermoosse selwer beroden, sou d'Anamarija Tunjic.

Recommandatioune géife seelen zeréckbehale ginn

An der Kommissioun si Vertrieder vum Ausseministère, vum Parquet, vum Office de l'enfance an dem Office de l'accueil. Ausschlaggebend fir d'Entscheedung soll den "intérêt supérieur de l'enfant" sinn, woubäi et dofir am Gesetz keng kloer Krittäre ginn. D'Mënscherechtskommissioun kritiséiert dat. Et wier wichteg fir am Reglement kloerzestellen, wéi eng Krittäre musse berücksichtegt ginn a wéi een deen Intérêt supérieur evaluéiert. Et géifen am Ausland och eng Rei Beispiller ginn, un deenen ee sech orientéiere kéint. D'Anamarija Tunjic nennt de Kannerrechts-Comité vu Genf an d'UNICEF.

De Minister Jean Asselborn huet och schonn ze verstoe ginn, datt hien net ausschléisst eenzele Bedenke vun der Mënscherechtskommissioun Rechnung ze droen. Déi freet sech natierlech do driwwer, erkläert d'Anamarija Tunjic. Generell géifen awer déi mannste Recommandatioune vun der Mënscherechtskommissioun zeréckbehale ginn.

An der Mediathéik:

Invité vum Dag / / Maurice Molitor
Lauschteren

Méi zum Thema

Pregno.JPG
Mënschenhandel

Lëtzebuerg hätt sech am internationale Verglach verbessert, heescht et an engem Rapport iwwer de globale Mënschenhandel vum US-Ausseministère. Kritik kënnt vun der consultativer Mënscherechtskommissioun.

Pregno.JPG
Immigratioun

Déi consultativ Mënschrechtskommissioun schléisst sech der Kritik vum Europarot un: Amplaz mannerjäreg Migranten méi laang am Centre de Rétention anzespären, misst déi Mesure ofgeschafe ginn.

Frank Wies
Asylrecht

Lëtzebuerg huet keen neit Asylrecht, well d'Gesetzer hunn net geännert, seet den Affekot Frank Wies. Den Ausseminister huet eng nei Prozedur fir deboutéiert Flüchtlingen aus sécheren Drëttstaaten ugekënnegt.

Programm

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen