Enn 2012 haten déi fréier PWC-Mataarbechter Raphaël Halet an Antoine Deltour confidentiel Steierdokumenter u Journaliste weiderginn an op deem Wee zum Finanzskandal vu LuxLeaks 2014 bäigedroen, bei deem déi sougenannt "Tax rulings" - also Steier-Begënschtegunge fir Multinationalen zu Lëtzebuerg - opgedeckt gi sinn.
An enger zweeter Instanz als Whistleblower unerkannt
De Raphael Halet war doropshin zu enger Geldstrof vun 1.000 Euro zu Lëtzebuerg verurteelt ginn. Déi aner Beschëllegt, den Antoine Deltour an de Journalist Edouard Perrin, goufe fräigesprach. Och um Europäesche Geriichtshaff hat de Raphaël Halet an enger éischter Instanz net Recht kritt.
An enger zweeter Instanz gouf hien elo als Whistleblower unerkannt mam Argument, datt den Interêt public den eventuelle Schued am Zesummenhang mat der Verëffentlechung vun de vertraulechen Dokumenter géing iwwerweien. De Raphael Halet erkläert:
"Tout ce que j'ai décrit, démontré ces dernières années, au cours des audiences, au cours des enquêtes, c'est vrai. Ça correspond à la réalité et c'est un rapport undeniable d'un intérêt général au débat public."
Decisioun wier wichteg och fir aner Whistleblower
Et wier e wäite Wee gewiescht bis dohinner. Opgi war fir de franséische Whistleblower awer keng Optioun.
"Cela a pris onze ans, certes. Mais on n'a jamais abandonné, jamais baissé les bras et puis, du coup, au final on est enfin tombé sur un tribunal qui reconnaît ma qualité de lanceur d'alerte, la qualité de mes informations, la qualité de mon apport au débat public et d'intérêt général surtout."
D'Decisioun vum Geriicht zu Stroossbuerg gesäit de Raphaël Halet doriwwer eraus als eng wichteg Etapp fir aner Whistleblower.
"Le fait de gagner aujourd'hui, ça fait jurisprudence. Donc c'est encore un point dans le cercle des lanceurs d'alerte pour aller au combat contre les choses - ou des personnes qui font des choses illégales."
De Justizministère wollt fir den Ament op eis Nofro hin net op d'Urteel reagéieren.
