Impakt vun der Corona-Pandemie op d'Vakanzeflich LuxairTours: Och am August nach kee komplette Fluchplang

Déi national Airline stellt sech drop a fir vun Enn Mee un nees ze fléien. Dat wier awer just e Planungsdatum, an egal wéi géif ee ganz kleng erëm ufänken, esou den Direktiounsmember Alberto Kunkel.

Serge Kesseler, jcf

Vue aus engem Fliiger

De Bäitrag vum Serge Kesseler lauschteren


Den 30. Mee sollen nees Luxair-Fliger vum Findel aus fortfléien. Mee dat ass e Planungsdatum, esou am 100,7-Interview den Alberto Kunkel, zoustänneg fir den Tour-Operating bei Luxair. Et kéint sinn, datt eréischt vun Ufank Juni un erëm wäert kënne geflu ginn. Natierlech géif dat awer nach vu ganz ville Facteuren ofhänken.

Kleng ufänken

Wann et méiglech ass, wéilt ee ganz kleng erëm ufänken, mat enger oder zwou Destinatioune a mat wéinege Flich dohinner. Den Alberto Kunkel seet, et wier den aktuelle Pläng no onméiglech, souguer am August de komplette Fluchplang erëm stoen ze hunn.

Stëllstand zanter Mäerz

Déi lescht regulär Flich bei der Luxair goufen et virun engem Mount.

80 vu ronn 200 Mataarbechter vu LuxairTours sinn de Moment a Kuerzaarbecht.

Méi zum Thema

Adrien Ney
Aviatioun

"Menger perséinlecher Meenung no wäerte mer eréischt am Juni erëm ufänke mat fléien." Dat seet de Luxair-Generaldirekter Adrien Ney. Luxair-Tours mécht muer Samschdeg an de Sonndeg hir lescht regulär Flich.

Net verpassen

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen