Aviatioun Luxair soll bis 2024 erëm "fit" sinn

Dem Luxair-Generaldirekter Gilles Feith no hätt déi zweet Corona-Well de Grupp zéngdausende Passagéier kascht, respektiv iwwer 20 Milliounen Euro un Ëmsaz. Fir de Grupp fir d'Joer 2024 erëm fit ze maachen, soll een Aarbechtsgrupp an den nächsten dräi Woche Resultater ausschaffen. De 7. Oktober ass déi nächste Ronn vun der Aviatiounstripartite. Dat huet de Minister François Bausch no der Sitzung vun haut Donneschdeg ugekënnegt. Et soll evitéiert ginn, datt Leit duerch eng Restrukturéierung bei der Luxair an de Chômage geroden. Rieds goung haut vun enger Beschäftegungsgarantie.

Serge Kesseler / cz

LuxAir - Creative Commons
Foto: Wikimedia Commons

De Bäitrag vum Serge Kesseler


Wéi vill Leit Personal vum Grupp Luxair an eng eventuell Cellule de Reclassement kéinte kommen, soll den Aarbechtsgrupp definéieren, esou de François Bausch. Dat grousst Zil wier eng Perspektiv fir d'Luxair no 2023. Wa méiglech sollt duerno kee seng Aarbecht verléieren, et wéilt een dat "op Lëtzebuerger Aart a Weis" probéieren hinzekréien, esou de François Bausch.

D'Gewerkschaften hu sech no der Tripartite-Sitzung relativ zefridde gewisen, esou d'Michèle Cloos vum OGBL. De Wee géif opstoe fir elo weider konstruktiv virunzeschaffen.

Gilles Feith: Luxair soll 2024 net méi kleng sinn


De Gilles Feith


Den neien Aarbechtsgrupp soll analyséieren, wéi de Luxair-Effectif sech an de Joren 2020 bis 2024 kéint entwéckelen, esou den LCGB-President Patrick Dury. Et géif elo och drëms goe fir "dee Sureffectif, dee sech do stellt, sozial verträglech" ouni Entloossungen ofzebauen.

Dem Luxair-Generaldirekter Gilles Feith no soll d'Luxair 2024 net méi kleng si wéi de Betrib haut ass. "Ech mengen, wann d'Luxair méi kleng gëtt, wäert d'Luxair à terme iergendwa stierwen." Dofir misst d'Luxair elo an eng nei Flott investéieren, an et misst dofir gesuergt ginn, datt déi néideg Investissementer an Zukunft och kënne bezuelt ginn.

E Gesamtpak fir d'Aviatioun bis Mëtt Oktober

Bis Mëtt Oktober soll e Gesamtpak fir den Aviatiounssecteur ausgeschafft ginn, wéinst verännerte Bedingungen duerch d'Corona-Pandemie a strukturelle Problemer, esou de Minister.

Déi annoncéiert Verschlechterunge fir déi Beschäftegt vum Grupp, déi d'Gewerkschafte schaarf kritiséiert haten, wieren net a Steen gemeesselt, esou haut de Generaldirekter.


De Gilles Feith iwwer d'Responsabilitéite vum Grupp Luxair


"Eng Entreprise huet Responsabilitéite vis-à-vis vu senge Clienten, deene musse mer Sécherheet bidden, vis-à-vis vu sengen Aktionären, deenen hiren Investissement musse mer am Fong schützen. An huet natierlech och - wierklech wichteg - Responsabilitéite vis-à-vis vu senge Leit. Do musse mer kucken, wéi mer do e Spagat fannen. Mir ass all Mesure gutt, déi hëllefen dee Gesamtpak do ze ficeléieren, sou datt een eng durabel Societéit an Zukunft opstellt."

Méi zum Thema

Illustratioun Fliger bannen
Aviatioun

D'Luxair konnt eegenen Aussoen no am Juli d'Hallschent vun hire Flich aus dem übleche Fluchplang operéieren. 50 Prozent vun de Sëtz wiere beluecht gewiescht. Zejoert am Juli waren et nach ëm déi 75 Prozent.

Gilles Feith
Fluchverkéier

D'Luxair wäert wuel nach méi laang Zäit net profitabel sinn, esou den neie Luxair-Generaldirekter. Am Moment géif d'Luxair ronn een Drëttel manner fléien, éei ëm dës Zäit d'lescht Joer, esou de Gilles Feith.

Illustratioun Fliger bannen
National Airline

Vun haut Freideg u geet de reguläre Passagéierbetrib um Findel nees op. D'Luxair flitt an enger éischter Phas siwen Destinatiounen un. D'Nofro wier grouss, esou déi Responsabel den Donneschdeg virun der Press.

Vue aus engem Fliiger
Impakt vun der Corona-Pandemie op d'Vakanzeflich

Déi national Airline stellt sech drop a fir vun Enn Mee un nees ze fléien. Dat wier awer just e Planungsdatum, an egal wéi géif ee ganz kleng erëm ufänken, esou den Direktiounsmember Alberto Kunkel.

Adrien Ney
Aviatioun

"Menger perséinlecher Meenung no wäerte mer eréischt am Juni erëm ufänke mat fléien." Dat seet de Luxair-Generaldirekter Adrien Ney. Luxair-Tours mécht muer Samschdeg an de Sonndeg hir lescht regulär Flich.

Travel tourist standing with luggage watching sunset at airport window. Unrecognizable woman looking at lounge looking at airplanes while waiting at boarding gate before departure. Travel lifestyle.
Aviatioun

D'Luxair steet um Findel ënner staarkem Konkurrenzdrock vun de Bëllegfluchgesellschaften. Fir an deem Konkurrenzkampf ze bestoen huet déi national Fluchgesellschaft awer limitéiert Mëttelen.

 

Net verpassen

Programm

  • Resonanzen

  • On air

    Am Nomëtteg vun 3 bis 6

  • Panorama

  • Tockcity

  • The Benny Brown Show

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen