Fluchverkéier Luxair: Nei Destinatioune sollen aus der Kris féieren

Rick Mertens (Interview) / Chris Zeien (Web)

Gilles Feith
De Gilles Feith ass Direkter vun der Luxair. (Foto: Archiv)

Op Paräis flitt d'Lëtzebuerger Airline nach net. Den neie Luxair-Direkter seet awer déi franséisch Haaptstad soll weider eng Destinatioun bleiwen, obwuel am Moment a verschiddene Länner doriwwer diskutéiert gëtt Kuerzstreckeflich ze reduzéieren.

"D'Luxair flitt dohinner, wou et eng Demande gëtt. A fir op Paräis ass kloer eng Demande, well et gi ganz vill Leit, déi vun do weider an d'Welt fléien. An natierlech kuckt d'Luxair fir hir Demande esou unzepassen, wéi d'Demande weider ass."

Dem Gilles Feith no géif een zwar mierken, datt et nees eng Demande gëtt fir ze fléien. Fir aus der Kris erauszekommen, misst d'Luxair awer flexibel sinn, och bei den Destinatiounen. Op London City kéint d'Luxair am Moment zum Beispill nach net fléien, dofir hätt déi national Airline eng ganz Partie nei Destinatiounen an de Programm geholl. "Ech zitéieren do Marseille, Bordeaux, Innsbruck, Salzburg, asw. An do kucke mer dann elo der Demande nozegoen", esou de Gilles Feith.

Nach zwee Joer, bis de Secteur sech nees erholl huet

D'Grouss Vakanz kënnt méi no, an am Moment gesäit alles dono aus, wéi wann een de Summer iwwer esouguer mam Fliger kann an d'Vakanz fléien. Mee d'Fluggesellschafte leide weider ënner der aktueller Kris. Den neie Luxair-Direkter Gilles Feith seet, d'Lëtzebuerger Airline misst flexibel sinn, wa se d'Kris wéilt iwwerstoen.

"Wa mer haut géifen drop waarden, fir erëm dat ze fléien, wat fréier gaangen ass, da géife mer ganz laang waarden. Dat dauert den Informatiounen am Secteur no méi wei zwee Joer, jee nodeem wéi dann d'Pourcentagë sinn."

Klassiker wéi München, déi soss ëmmer plus ou moins gutt gelaf sinn, déi lafen am Moment schwiereg, esou de Gilles Feith. Do géif ee momentan d'Kadenzen esou upassen, datt ee keng Sue géif op deene Strecke verléieren.

An der Mediathéik:

Invité vum Dag / / radio 100,7
Lauschteren

Méi zum Thema

Illustratioun Fliger bannen
National Airline

Vun haut Freideg u geet de reguläre Passagéierbetrib um Findel nees op. D'Luxair flitt an enger éischter Phas siwen Destinatiounen un. D'Nofro wier grouss, esou déi Responsabel den Donneschdeg virun der Press.

Vue aus engem Fliiger
Impakt vun der Corona-Pandemie op d'Vakanzeflich

Déi national Airline stellt sech drop a fir vun Enn Mee un nees ze fléien. Dat wier awer just e Planungsdatum, an egal wéi géif ee ganz kleng erëm ufänken, esou den Direktiounsmember Alberto Kunkel.

Adrien Ney
Aviatioun

"Menger perséinlecher Meenung no wäerte mer eréischt am Juni erëm ufänke mat fléien." Dat seet de Luxair-Generaldirekter Adrien Ney. Luxair-Tours mécht muer Samschdeg an de Sonndeg hir lescht regulär Flich.

Luxair Kommentar
Klimawandel

93 Kanner goufen zu Lëtzebuerg am Fliger mat geholl fir de Kleeschen am Himmel ze begéinen. An Zäite vu Klimawandel ass dës gemeinsam Aktioun vum Cactus an der Luxair irresponsabel, mengt de Pierre Reyland.

Adrien Ney
Grupp Luxair

De Grupp Luxair plangt, fir weider Leit mat festem Vertrag anzestellen. 50 Leit goufen am Januar agestallt a weider 50 Leit sollen am Mäerz oder Abrëll dobäikommen, seet de Generaldirekter Adrien Ney.

Net verpassen

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen