3G op der Aarbecht Luxair: "De 15. Januar gëtt eng Iwwerraschung"

D'Aviatioun gehéiert zu de Secteuren, déi mat am meeschten ënner der Pandemie leiden. Ugangs, well hir Fligeren um Buedem bliwwen sinn, duerno well vill manner gereest ginn ass, an elo och nach, well hir Equipagë krank oder infizéiert sinn. Weltwäit hunn an de leschten Deeg Dausende vu Flich missen annuléiert ginn, well ze vill Crew-Memberen a Quarantän waren. D'Luxair awer konnt bis ewell nach all Vol assuréieren.

Maurice Molitor / tt

Gilles Feith
De Gilles Feith ass Direkter vun der Luxair. (Foto: Archiv)

De Luxair-Generaldirekter Gilles Feith mécht sech iwwer villes Suergen am Moment. Awer net onbedéngt doriwwer, datt Flich aus Personalnout misste gestrach ginn:

"Éischtens denken ech, datt den Taux de vaccination en général méi héich ass bei eisen Aviatiouns-Leit. An zweetens hu mer do am Januar eis Aktivitéit, déi awer relativ réduite ass."

Dofir wieren eventuell Ausfäll och opzefänken. An aneren Aktivitéitsberäicher vum Grupp Luxair ass dat anescht. Plazeweis wieren elo schonn zéng oder souguer 13 Prozent vun der Beleegschaft am Krankeschäin, seet de Gilles Feith.

A wann elo nach de 15. Januar de 3G op der Aarbecht kënnt, kéint et richteg enk ginn. Zum Beispill am Cargo-Zenter, wou d'Aktivitéit ronderëm de Joreswiessel besonnesch grouss ass. A fir do keng béis Iwwerraschung ze erliewen, wéilt ee kucken, fir Mëtt Januar "op d'mannst zéng Prozent méi Leit am Cargo-Zenter virzegesinn".

Den 3G op der Aarbecht géif eng zousätzlech Onsécherheet an d'Betribs-Organisatioun erabréngen, seet de Generaldirekter, well d'Luxair als Patron net weess, wéi vill vun hire Leit geimpft sinn a wéi vill net. Dat bedauert de Gilles Feith:

"Mir wieren am Fong besser doduerch komm wa mer hätt kenne plangen, wa mer hätte kënne ferm am Viraus wëssen, wien ass dann elo geimpft a wien ass net geimpft. Dat wësse mer elo net: Dofir wäert de 15. Januar e bëssen eng Iwwerraschung ginn."

Net just fir d'Luxair awer, dat Lous deelt déi national Fluggesellschaft mat villen anere Betriber.

Méi zum Thema

(de g. à dr.) Xavier Bettel, Premier ministre, ministre d'État ; Paulette Lenert, ministre de la Protection des consommateurs, ministre de la Santé
Regierungsdecisiounen

Am Horeca-Secteur wäert eng Spärstonn um 23 Auer agefouert ginn, sou de Premierminister Xavier Bettel de Moie virun der Press. Fir Rassemblementer am Private vun zéng Leit un, gëllt den 3G-Regimm an et muss een d'Evenement umellen.

Covidcheck
Covid

Vum 15. Januar u muss all Salarié oder Independant op der Aarbecht ee Covid-19-Zertifikat virweisen. Déi Persounen, déi keen Zertifikat kënne virweisen, dierfen net schaffen a musse Congé huelen oder kréie kee Revenu.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen