Regierungsremaniement LSAP-Generalrot confirméiert Changementer an der Regierung
De Franz Fayot gëtt Wirtschaftsminister an iwwerhëlt de Kooperationsministère vun der Paulette Lenert, den Dan Kersch Vize-Premier an d'Paulette Lenert iwwerhëlt de Gesondheetsministère a gëtt delegéiert Ministesch fir d'Securité Sociale. Dat hunn de Méindeg den Owend 46 vun 53 Memberen (87 Prozent) vum LSAP-Generolrot decidéiert. Dëse Regierungsremaniement war néideg ginn, nodeems den aktuelle Wirtschafts- a Gesondheetsminister Etienne Schneider d'lescht Woch säin Récktrëtt op de 4. Februar annoncéiert hat.
Vun 89 Memberen am Generolrot waren der 53 komm fir hir Stëmm ofzeginn. Vun hinnen hunn der 46 fir d'Propose gestëmmt. Laang Diskussioune gouf et net, d'Reunioun war a manner wéi enger Stonn eriwwer. D'Cecile Hemmen, déi nächst Gewielten am Bezierk Zentrum, iwwerhëlt d'Chambermandat ndat fräigëtt, wann de Franz Fayot bis offiziell zum Mininister ernnant ginn ass.
Méi zum Thema
Etienne Schneider: "Ech wëll mäi Liewen zeréck"
Hie wéisst nach net, wat hien no senger Zäit als Minister wäert maachen. Dat sot den Etienne Schneider haut bei enger Pressekonferenz, bei där hie säi Récktrëtt aus der Regierung op de 4. Februar erkläert huet.
