E monozentresche Marché Logementspräisser: +11,4 Prozent par Rapport zum leschte Joer

D'Hausse vun de Logementspräisser am zweeten Trimester 2019 ass "zwar net historesch héich, mee d'Ausmooss dovun ass markant", seet de Julien Licheron vum Fuerschungszenter LISER. All d'Präisser wieren deemno staark eropgaangen, ob bei den Haiser, den Appartementer, alen oder neie Konstruktiounen.

Christiane Kleer / cz

Julien Licheron
Julien Licheron vum LISER

Déi neisten Zuelen, déi de Méindeg vum LISER a vum Statec publizéiert goufen, weisen, datt am am zweeten Trimester 2019 d'Präisser um Logementsmarché ëm 11,4 Prozent par Rapport zum leschte Joer geklomme sinn. Een Haus zum Beispill kascht an der landeswäiter Moyenne ronn 742 Dausend Euro. An der Stad läit dee Präis am Duerchschnëtt bei 1.160.000 Euro. Den Ënnerscheed tëschent Stad a Land erkläert sech dem Julien Licheron no virun allem duerch d'Distanz tëschent Wunn- an Aarbechtsplaz, seet de Fuerscher Julien Licheron.

Ronn d'Hallschent vun de Servicer, Commercen an Aktivitéite géife sech an der Stad konzentréieren. D'Zäit, déi ee bräicht fir vun doheem op d'Aarbecht, wier e wichtege Facteur, seet de Fuerscher. De Julien Licheron schwätzt vun engem monozentreschen Immobiliëmarché: Wat d'Immobilië méi wäit vun der Stad ewech léichen, wat d'Präisser méi niddereg wieren.

Investitioun a Steen rentéiert sech momentan extrem zu Lëtzebuerg

An Immobilien ze investéieren wier zu Lëtzebuerg ganz interessant an dat géif sech méiglecherweis och net sou séier änneren, sou de Julien Licheron. Hie stellt fest, datt och d'Fiskalitéit hiren Deel dozou géif bäidroen, datt Investitiounen an Immobilien esou lukrativ wieren, virun allem wann een Neibaute géif verlounen, onofhängeg vun de finanzielle Capacitéiten an der deelweis Defiscalisatioun vun de locativen Investissementer.

Den Investissement a Stee géif generell zu Lëtzebuerg weiderhin immens interessant bleiwen, souguer ouni déi steierlech Komponent ze betruechten, an zemools am Verglach mat aneren Investitiounsméiglechkeeten, déi momentan net rentabel sinn.

Méi zum Thema

Julien Licheron
Chamberwahlen 2018

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

Logement
Themendag Logement

Lëtzebuerg huet en héije wirtschaftleche Wuesstem, d'Bevëlkerung wiisst, mä et feelt u Wunnengen. Wouduerch ass dat bedéngt, wat kënnen de Staat an d'Gemenge maachen, a wéi eng alternativ Wunnforme ginn et?

Architekt
Rekrutementsproblemer

De Bau boomt, d'Zuel vun de Projeten explodéiert. D'Lëtzebuerger Architekten- an Ingenieursbüroe ginn d'Aarbecht bal net meeschter. Si géife gär astellen, mä si fannen net déi richteg Profiller.

Ligue HMC
Inclusioun

Vill Mënsche mat enger geeschteger Behënnerung hunn de Wonsch no Autonomie. D'Liewen am Foyer huet Aschränkungen. Mat där néideger Ënnerstëtzung kann den Dram vun der eegener Wunneng Realitéit ginn.

Table-Ronde: Logement a Mobilitéit
Gemengewahlen

Méi bezuelbare Wunnraum an nei Mobilitéitskonzepter sinn néideg: An där Analys si sech d'Gemengepolitiker eens. Bei de Léisungsvirschléi ginn et awer Differenzen tëscht de Parteien.

 

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen