Groussregioun Lëtzebuerg soll Frankräich kompenséieren

2.000 Euro pro Frontalier pro Joer sollt Lëtzebuerg de Fransousen all Joer iwwerweisen, fënnt den Dominique Gros, de Buergermeeschter vu Metz. Bei aktuell knapp 105.000 Pendler aus der Lorraine wieren dat méi wéi 200 Milliounen, déi eist Land bezuele misst, als Kompensatioun fir Recetten, déi Frankräich entginn, well d'Frontalieren hir Steieren zu Lëtzebuerg bezuelen.

Maurice Molitor (Interview) / Claude Biver (Web)

Dominique Gros
Den Dominique Gros ass Buergermeeschter vu Metz

200 Millioune Euro wieren nach nëmmen zéng Prozent vun där Zomm, déi dank de Frontalieren an d'Lëtzebuerger Staatskeess gespullt ginn, sou den Dominique Gros, deen op änlech Arrangementer tëschent Frankräich an der Schwäiz fir d'Grenzregioun bei Genève verweist.

Déi Sue géife gebraucht ginn, fir op der franséischer Säit déi Infrastrukturen a Servicer ze finanzéieren, déi d'Bierger vun hire Gemengen erwaarden, an net d'Chrëschtdekoratioun vun de Gemengen, wéi den Dominique Gros an Uspillung op eng Ausso vum Xavier Bettel gesot huet. Déi Ausso fënnt hien onzoumuttbar, dorëms géif et nämlech net goen. Wa Lëtzebuerg sech zur Groussstad wéilt entwéckelen, da misste si Rücksicht op hiert Ëmfeld huelen, fënnt de Dominique Gros.

E Kampf ëm d'Aarbechtskraaft

Lëtzebuerg huet sech bis elo géint esou eng Kompensatioun gewiert an éischter eng finanziell Participatioun un Investissementer an Aussiicht gestallt a grouss Parkplazen déisäits eiser Grenz zum Beispill.

Fir den Dominique Gros geet et awer ëm méi wéi just ëm Parkingen: et géif drëm goen, datt Frontalieren zwar zu Lëtzebuerg géife schaffe goen, mee datt Lëtzebuerg sech net misst ëm déi Frontaliere këmmeren.

Den Dominique Gros léisst och d'Argument net zou, datt Lëtzebuerg dank senger gudder wirtschaftlecher Situatioun dozou géif bäidroen, datt et an der Groussregioun manner Chômage gëtt. Fréier wier dat de Fall gewiescht, mee hautdesdaags géif een Dokteren an Ingenieuren op Lëtzebuerg lackelen, déi wieren a Frankräich net am Chômage.

De Buergermeeschter vu Metz schwätzt vun enger Kompetitioun ëm d'Aarbechtskraaft. Metz hätt Problemer fir Buschaufferen ze fannen, well déi all op Lëtzebuerg géife schaffe goen. Et géif also net nëmmen drëm goe fir de Chômage an der Groussregioun ze bekämpfen.

An der Mediathéik:

Invité vum Dag / / Maurice Molitor
Lauschteren

Méi zum Thema

Oberbürgermeister vun Tréier - Wolfram Leibe
Relatiounen tëschent Tréier a Lëtzebuerg

Et wier net prioritär u Lëtzebuerg, fir fir d'Steierausfäll an de Grenzregiounen opzekommen. Eventuell Kompensatioune wiere virop emol eng national Fro, seet de Wolfram Leibe, den Oberbürgermeister vun Tréier.

Tom Wirion
Handwierk

Dat nächst Joer sinn am Lëtzebuerger Handwierk 9.400 Plazen ze besetzen. Dat huet d'Chambre des Métiers erausfonnt. Den Tom Wirion mengt awer, datt et "äusserst schwiereg" wäert ginn déi Leit ze fannen.

Sommet Groussregioun
Groussregioun

"Europa entsteet an der Groussregioun". Mat dem Saz huet d'Saarland d'Presidence fir d'Groussregioun vu Lëtzebuerg iwwerholl. Fir eng konkret Zesummenaarbecht bleift allerdéngs nach villes ze maachen.

Estelle Evrard
Groussregioun

D'Gouvernance vun der Groussregioun muss un déi wirtschaftlech a virun allem och un déi sozial Realitéiten ugepasst ginn, seet d'Geografin Estelle Evrad. Dofir bräicht een awer politesche Wëllen.

Groussregioun
Zesummenaarbecht an der Groussregioun

De Wirtschafts- a Sozialcomité vun der Groussregioun huet seng Recommandatioune fir eng besser Zesummenaarbecht presentéiert. Et wier wichteg, datt d'Ënnerscheeder an der Groussregioun net méi grouss ginn.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

Dossieren

  • Gratis ëffentlechen Transport

    Den ëffentlechen Transport zu Lëtzebuerg ass vum 1. Mäerz u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

  • Berlinale70

    D'Berlinale feiert dëst Joer hire 70. Gebuertsdag ënner den neien Direktere Carlo Chatrian a Mariette Rissenbeek. D'Sarah Pepin an den Tom Dockal si fir eis op der Plaz.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen