100komma7.lu

/ Lëtzebuerg zitt 4.800 Dosisse vun AstraZeneca zeréck

Impfcampagne

11 Mäe. 2021 - 15h40

Lëtzebuerg zitt 4.800 Dosisse vun AstraZeneca zeréck

D'Santé zitt 4.800 Impfdosisse vun AstraZeneca virsiichtshallwer aus dem Verkéier. Déi Informatioun vum Wort huet de Gesondheetsministère eis confirméiert. Et handelt sech dobäi ëm eng Precautiounsmesure, nodeems an Dänemark e puer Fäll vun Thrombosen no Impfunge mat AstraZeneca opgedaucht sinn.

1 min

Dänemark huet d'Impfunge mat dësem Vaccin dofir am Moment ganz gestoppt. Och Norwegen an Island impfen am Moment virsiichtshallwer guer net mat AstraZeneca. An der EU, halen nieft Lëtzebuerg, iwwerdeems och Eisträich, Litauen, Lettland an Estland am Moment eng bestëmmte Liwwerung vum Vaccin zréck.

Ob d'Thrombose-Fäll an direktem Zesummenhang mat der Impfung stinn ass am Moment nach net kloer. Déi zoustänneg Autoritéite sinn am Gaang dat ze préiwen.