Bausecteur LCGB fuerdert Konzept fir d'Leit an der Beschäftegung ze halen

Den LCGB kritiséiert d'Decisioun vun der Regierung, fir de Betriber d'Méiglechkeet ze ginn bis zu engem Véierels vun hirem Personal ze entloossen, ouni den Usproch op déi staatlech Krisen-Hëllefen ze verléieren.

Maurice Molitor (Interview) / Chris Zeien (Web)

Patrick Dury

Et sollt ee villméi e Konzept ausschaffen, wéi Leit, déi am Moment vläicht net onbedéngt gebraucht ginn, trotzdeem an der Beschäftegung ze halen. Fir datt ee se huet, wann d'Konjunktur nees uspréngt, sou de President vum chrëschtleche Gewerkschaftsbond. Déi an aner Diskussioune wëllt de Patrick Dury am Kader vun enger Tripartite féieren, déi elo misst aberuff ginn. Do wëll hien dann och e kloert Bekenntnis vum Patronat héieren, datt si zum Finanzement - zu dräi a gläichen Deeler - vun der Sozialversécherung steet.

"D'Patronat war sech net eens"

Net just d'Gewerkschafte wiere Schold um Echec vun de Verhandlungen iwwer en eventuellt Aussetze vum Kollektiv-Congé am Bausecteur, dëse Summer. Och d'Patronat wier stuer gewiescht, seet den LCGB-President Patrick Dury. Datt et net zu engem Accord komm wier, géif hie selwer schued fannen an hie géif et net ganz verstoen.

Och d'Propos fir de Leit am Secteur iwwer de Summer e Minimum vu Congé garantéieren ze kënnen, dee se méi flexibel kéinten huelen, wier vum Patronat net ugeholl ginn. "Dat ass herno och dru gescheitert, well d'Patronat gemengt huet, si missten awer nach e Congé collectif hunn, vläicht da méi kuerz...", sou de Patrick Dury. Op Patronatssäit wiere sech Gedanken iwwer d'Konkurrenzsituatioun gemaach ginn, d'Patronat wier sech ënnereneen net ganz eens gewiescht, sou den Nationalpresident vum LCGB, Patrick Dury.

An der Mediathéik:

Invité vum Dag / / Maurice Molitor
Lauschteren

Méi zum Thema

Illustratiun Rechter Coronavirus COVID-10
Gesellschaft

Och nodeems den Etat de crise spéitstens de 24. Juni ausleeft, sollen eng Réi vun de sanitäre Mesurë bestoe bléiwen. Dat fir wéinstens ee weidere Mount. Esou gesinn et zwee Gesetzesprojete vir.

(de g. à dr.) Anouk Agnes, conseillère économique du Premier ministre ; Xavier Bettel, Premier ministre, ministre d'État ; Paul Konsbruck, chef de cabinet du Premier ministre ; Dan Kersch, Vice-Premier ministre, ministre des Sports, ministre du Travail, d
Sozialdialog

​D'Gewerkschaften an d'Patronat waren den Donneschdeg vun der Regierung an d'Schlass vu Senneng invitéiert ginn, fir a separate Gespréicher iwwer den ekonomeschen a sozialen Impakt vun der Corona-Kris ze schwätzen.

Programm

  • Resonanzen

  • On air

    Noriichten

  • Ënnerwee

  • Noriichten

  • Trendscheif

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen