Fage Kritik u Jugurtsfabrick

Schaarf Kritik vum Beetebuerger Schäfferot a siwe Südgemengen um Projet Fage. D'Envergure vun der Jugurtsfabrick wieren iwwerdriwwen. D'Produktioun wier net nohalteg, ekologesch a géif d'Ressourcen net schounen.

Jean-Claude Franck / cbi

Jugurtsproduktioun
Et gëtt erëm Kritik um Projet Fage. Foto: Bigsstock / Belish

De Bäitrag vum Jean-Claude Franck lauschteren


Fage huet dem Staat schonn den Terrain ofkaaft, elo brauch de griichesche Konzern eng Betribsgeneemegung. Am Kader vun där Commodo-Incommodo-Prozedur huet de Beetebuerger Schäfferot awer ouni Iwwerraschung seng Kritik um Projet widderholl, de Beetebuerger CSV-Buergermeeschter Laurent Zeimet hat sech scho virun zwou Woche skeptesch gewisen.

Beetebuerg: Kritik wéinst Waasserverbrauch

Am schrëftlechen Avis heescht et, d'Produktioun vun 80 Millioune Kilo Jugurt pro Joer wier net nohalteg, ekologesch a géif d'Ressourcen net schounen. De Schäfferot fäert, datt d'Waasser duerch d'Jugurtsfabrick nach méi knapp gëtt. Déi 2.500 Meterkibb, déi d'Fabrick an der zweeter Phas pro Dag brauch, géifen den Drock méi grouss maachen.

Elo scho géif d'Waasserverwaltung a Phase vun Dréchent Opriff un d'Populatioun maache fir Waasser ze spueren. Dofir wëllt de Schäfferot (CSV-déi gréng-DP) wëssen, ob de griichesche Konzern d'Liwwerung vun 2.500 Meterkibb Drénkwaasser pro Dag garantéiert kritt, an ob d'Beetebuerger Awunner riskéiere benodeelegt ze ginn.

Uelzechtdall: Kritik wéinst Ofwaasser

Änlech Kritik gëtt et och vu siwe Südgemengen aus dem Uelzechtdall, dorënner Beetebuerg, Schëffleng an Esch. D'Ofwaasser ass hiren Theema: Déi 3.100 Meterkibb, déi pro Dag iwwer eng Kläranlag an d'Uelzecht géife lafen, géife riskéieren d'Uelzecht ze erstécken.

All Pläng fir d'Qualitéit vum Waasser ze verbessere wieren domat a Fro gestallt. D'selwecht wéi de Beetebuerger Schäfferot freet de Contrat de rivière du Bassin supérieur de l'Alzette d'Regierung fir hir Intentiounen ze iwwerdenke fir Fage eng Betribsgeneemegung ze ginn.

Déi schrëftlech Avise sinn un d'Ëmweltverwaltung geschéckt ginn, esou wéi d'Commodo-Incommodo-Prozedur dat virgesäit. Nieft der Betribsgeneemegung brauch Fage nach eng Baugeneemegung. Fage huet schonn zanter 2012 säi Steiersëtz zu Lëtzebuerg. De Wirtschaftsministère a Fage hunn de Bau vun der Jugurt-Fabrick am Juli 2016 annoncéiert. Zanterdeem lafen d'Autorisatiounsprozeduren.

Méi zum Thema

Franz Fayot
Besteierung vu grousse Verméigen

De Virstouss vum Frank Engel iwwer d'Ierfschaftssteier fënnt de Franz Fayot "interessant". Den CSV-President hätt "de Fanger op e wonne Punkt" geluecht. Fir d'Wale kéint dat e wichtegt Theema ginn.

Jughurt-Produktioun
Ëmstridde Jughurtsfabrick

De Laurent Zeimet bleift skeptesch, wat déi geplangte Jugurtsfabrick Fage ugeet. Besonnesch de Waasserverbrauch gesäit hie kritesch. De Commodo-Dossier géifen dës Bedenke verstäerken.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen