Konflikt tëschent Direktioun a Personaldelegatioun Kräizbierg: "Personal schockéiert iwwer rezent Decisiounen"

Déi rezent Decisioune vum Verwaltungsrot vun der Fondatioun Kräizbierg hunn net gehollef fir d'Personal ze berouegen: Den OGBL fuerdert am Konflikt tëschent Personaldelegatioun an Direktioun méi wäitreechend Decisiounen.

jcf

Fondation Kräizbierg

Wéinst der Gravitéit vum Dossier géif ee sech erwaarden, datt et änlech geet wéi am Blannenheem bei Miersch, wou am Juni no engem interne Konflikt den Direkter demissionéiert hat, esou de Joel Delvaux vum OGBL am 100,7-Interview. Virum Verwaltungsrot vun der nächster Woch wier mat gewerkschaftlechen Aktiounen ze rechnen. Déi ganz Personaldelegatioun an de Rescht vun der Belegschaft wiere reegelrecht schockéiert iwwer d'Virschléi vum Verwaltungsrot: Si hätten d'Gefill, datt hir Doleancen net eescht geholl géife ginn, an d'Gravitéit vun de Reproche géif erofgespillt ginn. Eng Mediatioun wier e Spill op Zäit.

De Joel Delvaux (OGBL) am Interview

Tëschent der Direktioun an der Personaldelegatioun gëtt et zanter Méint e Vertrauenskonflikt. D'Delegatioun an den OGBL geheien der Direktioun en onmënschleche Féierungsstil vir, d'Direktioun huet d'Virwërf vu sech gewisen.

De Verwaltungsrot hat virgëschter eng Mediatioun an eng extern Evaluatioun decidéiert. D'nächst Woch soll eng weider Reunioun sinn.

President vum Verwaltungsrot ass de fréieren DP-Politiker Henri Grethen. President vum Direktiounscomité a Member vum Verwaltungsrot ass de fréiere Beamte Jeannot Berg. D'Fondatioun Kräizbierg hat zejoert 270 Salariéen. Dobäi sinn an den Atelieren nach eppes méi wéi 100 Persoune mat enger Behënnerung beschäftegt.

Méi zum Thema

Fondation Kräizbierg
Vertrauenskris tëschent Personal an Direktioun

An der Fondatioun Kräizbierg sollen eng extern Evaluatioun an eng Mediatioun hëllefen de Konflikt ze léisen. Zanter Méint gëtt et eng Vertrauenskris tëschent der Personaldelegatioun an der Direktioun.

Fondation Kräizbierg
Fondation Kräizbierg

No interner Vertrauenskris soll de Mëtteg de Verwaltungsrot vun der Fondation Kräizbierg zesummekommen. Den OGBL hat vu Mëssstänn geschwat, d'Direktioun kritt en onmënschleche Féierungsstil virgehäit.

Programm

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen