Vertrauenskris tëschent Personal an Direktioun Kräizbierg: Evaluatioun a Mediatioun géint déi intern Kris

An der Fondatioun Kräizbierg sollen eng extern Evaluatioun an eng Mediatioun hëllefen de Konflikt tëschent Direktioun a Personaldelegatioun ze léisen. Dat hunn d'Membere vum Verwaltungsrot vun der Fondatioun an den Ateliere vum Kräizbierg den Owend matgedeelt.

jcf

Fondation Kräizbierg

Donieft kéinten an Zukunft bis zu dräi Vertrieder vun de Salariéë mat enger Behënnerung a vum Personal an de Reunioune vum Verwaltungsrot dobäi sinn, ouni Stëmmrecht. D'nächst Woch soll eng weider Reunioun vum Verwaltungsrot si fir d'Decisioune vun haut ze konkretiséieren.

Am Communiqué gëtt ënnerstrach, datt d'Haaptzil vun de Conseilsmemberen e qualitativen Accueil fir Mënsche mat enger kierperlecher Behënnerung wier. D'Aterliere vun der Fondatioun géifen net an enger Logik vu Profitorientéierung schaffen. Et géif een d'Doleancë vum OGBL a vun der Personaldelegatioun zur Kenntnis huelen. Déi 15 Membere vum Verwaltungsrot plädéieren am Communiqué fir en oppenen a strukturéierte Sozialdialog.

Tëschent der Personaldelegatioun an dem Direktiounscomité vun der Diddelenger Fondatioun Kräizbierg gëtt et zanter Méint eng Vertrauenskris.

Den OGBL huet virum Weekend vu Mëssstänn an den Atelieren an an der Fondatioun geschwat. D'Direktioun kritt en autoritären an onmënschleche Féierungsstil virgeheit. D'Gewerkschaft huet de Verwaltungsrot opgefuerdert ze handelen: et wier inakzeptabel, datt déi 15 Memberen de Kapp an de Sand stiechen.

President vum Verwaltungsrot ass de fréieren DP-Politiker Henri Grethen. President vum Direktiounscomité a Member vum Verwaltungsrot ass de fréiere Beamte Jeannot Berg. D'Fondatioun Kräizbierg hat zejoert 270 Salariéeën. Dobäi sinn an den Atelieren nach eppes méi wéi 100 Persoune mat enger Behënnerung beschäftegt.

Méi zum Thema

Fondation Kräizbierg
Fondation Kräizbierg

No interner Vertrauenskris soll de Mëtteg de Verwaltungsrot vun der Fondation Kräizbierg zesummekommen. Den OGBL hat vu Mëssstänn geschwat, d'Direktioun kritt en onmënschleche Féierungsstil virgehäit.

Programm

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen