Informellen EU-Sommet "Léisunge fir CO2-Neutralitéit leien um Dësch"
Greenpeace Lëtzebuerg fënnt et "enttäuschend a skandaléis", datt Däitschland an aner Staaten um EU-Zukunftssommet gëschter zu Sibiu a Rumänien, bei de Klimaschutzziler net e Schrack méi wäit wollte goen.
Et wier inacceptabel, datt d'Thema Klimaschutz an der Ofschlossdeklaratioun nëmmen an engem Niewesaz genannt gëtt, kritiséiert d'Martina Holbach vu Greenpeace Lëtzebuerg.
Um EU-Sommet hate Frankräich a siwe weider Staaten, dorënner Lëtzebuerg, probéiert Ënnerstëtzung fir méi éiergäizeg Klimaschutzziler ze fannen. Dëser Initiative no solle bis 2050 an der EU keng schiedlech Klima-Gase méi an d'Atmosphär geblose ginn.
Däitschland an aner Staate waren dogéint, zu dësem Zäitpunkt méi éiergäizeg Zieler ze fixéieren.
Den Interview mat der Martina Holbach:
Méi zum Thema
Analys
Klimapolitik an den EU-Wahlprogrammer
Eng Analys vu de klimapolitesche Mesuren an den Europawahlprogrammer vun den zéng Parteien, déi zu Lëtzebuerg bei den Europawahlen untrieden. Wat fir eng Klimapolitik proposéiere si fir Europa?
Fir e bessere Klimaschutz
Tëschent 7.000 a 15.000 Schülerinnen a Schüler hunn an der Stad beim "globale Streik fir de Klima" matgemaach. A villen anere Stied uechter d'Welt hu Jonker haut fir de Klimaschutz manifestéiert.
