Impfstoffer géint Covid-19 Kënnt de russesche Sputnik V-Impfstoff op Lëtzebuerg?

Lëtzebuerg hätt net wëlles, fir de russesche Covid-Impfstoff "Sputnik V" eleng zouzeloossen oder anzekafen. Fir béid Prozedure géif ee - wéi bei den aneren Impfstoffer - op eng europäesch Approche setzen, erkläert den Direkter vun der Santé, Jean-Claude Schmit. Nach huet de russesche Produzent keng offiziell Demande bei der Europäescher Medikamentenagence fir eng Zouloossung an der EU gemaach.

Pia Oppel / cbi

Sputnik V
Foto: picture alliance / NurPhoto | Artur Widak

Lauschteren


Et war awer nei Beweegung an d'Diskussioun komm, nodeems de Wëssenschaftsmagazin The Lancet Ufanks vum Mounts Tëscheresultater vu klineschen Etüde publizéiert huet, déi de russesche Vaccin als sécher an effizient aschätzen.

Wann Impfstoffer feelen, firwat also net och op de "Sputnik"-Vaccin setzen? Ungarn ass als eenzegt EU-Memberland schonn op de Wee gaangen.

Fir Lëtzebuerg kéim eng unilateral Approche schonn aus praktesche Grënn net a Fro, seet dozou den Direkter vun der Santé. Lëtzebuerg hätt déi Kompetenz net, fir eng Evaluatioun vum Impfstoff ze maachen. "Mir si wierklech op europäesch Instanzen ugewisen an ech géif do och keen Elenggang vu Lëtzebuerg gesinn", esou den Dr. Jean-Claude Schmit.

Eng "méi komplex" Autorisatiounsprozedur

Wann eng europäesch Zouloossungsprozedur bis lancéiert géif ginn, wier se an dësem Fall méi komplex wéi bei den aneren Impfungen, déi schonn zougelooss sinn, seet de Jean-Claude Schmit. D'Produktiounssitte géifen ausserhalb vun der Europäescher Unioun leien.

"Dat heescht, do wier d'Prozedur dann och, datt d'EMA misst op der Plaz Kontrolle maachen." Dat wier "e bësse méi komplex" wéi eng normal Autorisatiounsprozedur an der EU selwer, mee et "wier awer duerchaus eng Optioun", seet den Direkter vun der Santé.

A wa bis eng Zouloossung do wier, da géif Lëtzebuerg warscheinlech nees op den europäeschen Akafprogramm setzen, et wier ee ganz zefridde mat deem Prozess. Als klengt Land hätt ee "keng Chance" gehat fir Impfstoffer ze kréien. "An der Europäescher Unioun si mer sécher méi staark."

Ee geopoliteschen Enjeu

De russesche Covid-Vaccin ass weltwäit bis ewell an 29 Länner zougelooss. Seng méiglech Zouloossung an der EU gëllt mëttlerweil als gréissere geopoliteschen Enjeu. Russland reprochéiert der EU an anere westleche Länner, datt si aus politesche Grënn net op Sputnik V wëllen ze setzen.

Ëmgedréit kritt Russland reprochéiert, d'Entwécklung vum Vaccin wier net transparent ofgelaf an de Vaccin kéint politesch ausgenotzt ginn.

Méi zum Thema

Corona-Impfstoff
Impfzentrum

An Zukunft sollen d'Kinéen an de Covid19-Impfzentren aushëllefen. Eng deementspriechend Konventioun huet d'Associatioun vun de Kinéë mat der Santé ënnerschriwwen.

Corona-Impfstoff
Däitschland

An Däitschland wëlle sech ëmmer manner Leit mam AstraZeneca-Impfstoff impfe loossen. Fir géint den Zweiwel an der Populatioun unzekämpfen, wëll sech elo e prominente Politiker ëffentlechkeetswierksam vaccinéiere loossen.

AstraZeneca
Niewewierkungen an Impfeffekter

Skepsis ronderëm den AstraZeneca-Vaccin gëtt et och hei am Land. Dat weise rezent Beispiller aus den Alters- a Fleegeheemer wou eng Partie vum Personal refuséiert huet sech mat deem Vaccin impfen ze loossen.

Corona-Impfstoff
Coronavirus

Déi éischt zwou Phase vun der Impfcampagne wäerte wärend e puer Deeg parallel lafen. Déi nächst Liwwerung vum Impfstoff vu BioNTech/Pfizer gëtt e puer Deeg virun där vun AstraZeneca erwaart, seet de Luc Feller.

Programm

Net verpassen

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen