Radioen

On air

Een zwee Jazz  |  The Messthetics & James Brandon Lewis - The Time Is The Place

play_arrow Live
arrow_back_ios

100komma7.lu

100komma7.lu

/ "Kënnen net méi erauszéien, wéi mir abezuelen"

Patronatsorganisatioun UEL

"Kënnen net méi erauszéien, wéi mir abezuelen"

Fir d'Staatsfinanzen am Grëff ze halen, misst déi nächst Regierung strukturell Ännerunge virhuelen, fuerdert de Generalsekretär vun der Patronatsorganisatioun UEL. Dem Jean-Paul Olinger no missten d'Pensiounen an d'Sécurité sociale reforméiert ginn.

auto_stories

2 min

De Generalsekretär vun der UEL, de Jean-Paul Origer.

Et kéint een net méi aus der Sozialversécherung erauszéien, wéi een abezilt. "An deementspriechend musse mir entweder laangfristeg méi laang schaffe goen, oder mir mussen d'Cotisatiounen eropbréngen, oder mir mussen dat, wat mir erauszéien, erofsetzen."

Eng héich Konjunktur

Weider seet de Jean-Paul Olinger, et misst een ophalen "mat der Strenz ze fueren". Et hätt ee bei den ëffentleche Finanzen eng héich Konjunktur, an et hätt een dofir genuch Suen, fir villes ze bezuelen.

"Mir konsuméieren enorm vill, mir hu Pensiounen déi héich sinn, mir hu Salairen, déi héich sinn, iwwerall gi momentan Carrièren adaptéiert. Gehälter ginn an d'Luucht. Wéi mam Accord vun de Salariéë vun der CGFP, si verschidde Mesuren [80-80-90 Regelung] déi gutt waren, réckgängeg gemaach ginn. Mir sollten awer iwwerleeën, ob mir net sollten an d'Zukunft investéieren, ob mir net deen intergenerationelle Fong, dee mir hunn, däitlech sollte steigeren, esou wéi aner Länner als Virbild, wéi Norwegen, dat och maachen."

D'Regierung géif de Wieler aktuell vill Kaddoe maachen. An d'Wieler selwer géife kuerzfristeg denken. Dofir bräicht et e breeden Debat an der Gesellschaft, wéi een an Zukunft zesummelieft, esou de Generalsekretär vun der UEL.

De 15. Juli iwwerhëlt de Jean-Paul Olinger d'Direktioun vum Daachverband vun de Patronatsorganisatiounen.