Familljeministère Kannergeld soll d'nächst Joer reindexéiert ginn

D'Kannergeld soll op den 1. Januar 2022 reindexéiert ginn. D'Familljeministerin hätt der zoustänneger Chamberkommissioun dësen Datum virgëschter proposéiert, well am Koalitiounsaccord eng Reindexéierung virum Enn vun der Legislaturperiod 2023 virgesinn ass. Viru 15 Joer war d'Kannergeld desindexéiert ginn.

Serge Kesseler / tt / cz

Kanner déi spillen

D'Gewerkschafte fuerderen, datt d'Verloschter aus de leschte Jore solle kompenséiert ginn: eng Reindexéierung vum Kannergeld eleng géif net duer goen.

Den LCGB begréisst, datt d'Kannergeld erëm soll indexéiert ginn. Well awer an de leschte Jore keng Upassung un d'Präisdéirecht geschitt ass, si Verloschter entstanen. De Christophe Knebeler vum Chrëschtleche Gewerkschaftsbond fënnt, datt d'Nouvelle vun der Indexéierung ze relativiséieren wier. Et hätt een ee Wäertverloscht vum Montant haut vun 265 Euro wieren eng ronn 71 Euro zanter 2006 net ugepasst ginn.

Indexéierung geet de Gewerkschaften net duer

Dowéinst fuerdert den LCGB, datt d'Kannergeld, nieft der Indexéierung, op 285 Euro de Mount misst klammen.

Den OGBL stellt sech d'Fro, firwat d'Regierung d'Reindexéierung vum Kannergeld net direkt mécht a firwat keng Kompensatioune fir déi lescht Jore virgesi sinn.

Familljeministerin wëll sech un Koalitiounsaccord halen

D'Familljeministerin ass iwwerdeems net bereet, e Schrack méi wäit ze goen. Si wéilt sech strikt un de Koalitiounsaccord halen, seet d'Corinne Cahen:

"2006 ass d'Kannergeld desindexéiert ginn, mam richtegen Argument deemools vun der CSV-LSAP-Regierung, datt ganz vill investéiert gëtt an d'Chèques services, an datt een dofir Sue brauch. Mir hu weider an d'Avantages en nature, Prestations en nature investéiert schonn an där leschter Legislaturperiod an och an dëser."

Si huet der zoustänneger Chamberskommissioun virgeschloen, dat op den 1. Januar d'nächst Joer ze maachen.

Méi zum Thema

Nora Back
Néideg Gesetzesännerung

Frontaliere gi weiderhi bei de proposéierten Ännerunge beim Kannergeld benoodeelegt, kritiséiert den OGBL. D'Recht op Kannergeld soll dovunner ofhänken, ob d'Eltere bei der Sécurité Sociale affiliéiert sinn.

family, children, money, investments and people concept - close up of father and daughter hands holding euro money coins
Familljepolitik

Anescht wéi geplangt kann d'Reform vum Kannergeld wahrscheinlech net matzäite gestëmmt gi fir kënnen den éischte Januar a Kraaft ze trieden. Dofir feelt nach den Avis vum Staatsrot, sot eis d'Familljeministesch Corinne Cahen op Nofro hinn.

Programm

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen